Om Veera Veera Song : ధనుష్ ‘ఓం’ నుంచి మాస్ సాంగ్.. ‘వీర వీర’తో అంచనాలు డబుల్!
Om Veera Veera Song : ధనుష్ ‘ఓం’ సినిమా నుంచి రెండో సింగిల్ ‘వీర వీర’ సాంగ్ విడుదలైంది. సాయి అభ్యంకర్ మ్యూజిక్, మమ్ముట్టి పాత్ర, నవంబర్ 20 రిలీజ్ డేట్ విశేషాలివే..
- Sreehari A
- Published on- October 19, 2026 / 09:45 PM IST
Om Veera Veera Song
- ధనుష్ ఫ్యాన్స్‌కు ఫుల్ కిక్.. ‘వీర వీర’ వచ్చేసింది
- ‘వీర వీర’తో ఓం హంగామా.. రిలీజ్ డేట్ కూడా ఫిక్స్
- పాటతోనే హైప్ పెంచుతున్న ధనుష్.. ‘ఓం’ రిలీజ్ ఎప్పుడంటే?
Om Veera Veera Song : కోలీవుడ్ స్టార్ ధనుష్ అభిమానులకు అదిరిపోయే మ్యూజికల్ ట్రీట్ వచ్చేసింది. ఆయన కెరీర్‌లో 55వ చిత్రంగా తెరకెక్కుతున్న ‘ఓం’ నుంచి రెండో సింగిల్ ‘వీర వీర’ సాంగ్ విడుదలైంది.
పవర్‌ఫుల్ బీట్స్, ఎనర్జిటిక్ వాయిస్‌తో సాగుతున్న ఈ పాట మ్యూజిక్ లవర్స్‌ను ఆకట్టుకుంటోంది. ఇప్పటికే ఫస్ట్ సాంగ్ ‘అలక్కా లోవా’తో మంచి బజ్ క్రియేట్ చేసిన మూవీ టీమ్.. ఇప్పుడు రెండో సింగిల్‌తో మూవీపై హైప్‌ను మరింత పెంచుతోంది.
‘వీర వీర’తో వైబ్స్ మామూలుగా లేవు :
యువ సంగీత దర్శకుడు సాయి అభ్యంకర్ తనదైన స్టైల్‌లో అందించిన మ్యూజిక్ ఈ పాటకు స్పెషల్ అట్రాక్షన్‌గా నిలుస్తోంది. అరుణ్ శ్రీనివాసన్ రాసిన సాహిత్యానికి సాయి అభ్యంకర్, తిప్పు తమ గాత్రంతో మరింత జోష్ తీసుకొచ్చారు.
బలమైన బీట్స్, కొత్త తరహా మ్యూజిక్ కలయికతో సాగుతున్న ఈ సాంగ్ సినిమాలో ఎలాంటి సందర్భంలో వస్తుందనే ఆసక్తి అభిమానుల్లో మొదలైంది. ధనుష్ పాత్రకు ఈ పాట ఎలాంటి ఎలివేషన్ ఇవ్వనుందన్న చర్చ కూడా మొదలైంది.
మరోవైపు, ఇప్పటికే విడుదలైన మమ్ముట్టి గ్లింప్స్ సినిమాపై క్యూరియాసిటీ మరింత పెంచేసింది. దీంతో కథలో ఆయన పాత్ర ఎలా ఉండబోతోందన్నది కూడా ఆసక్తికరంగా మారింది.
నవంబర్ 20న థియేటర్లలోకి ‘ఓం’ మూవీ :
మొదట అక్టోబర్ 16న రిలీజ్ కావాల్సిన ఈ చిత్రం వాయిదా పడింది. లేటెస్ట్ అప్ డేట్ ప్రకారం.. నవంబర్ 20న థియేటర్లలోకి రానుంది. రాజ్‌కుమార్ పెరియసామి దర్శకత్వం వహిస్తున్న ఈ సినిమాను వండర్‌బార్ ఫిల్మ్స్, ఆర్టెక్ స్టూడియోస్ సంయుక్తంగా నిర్మిస్తున్నాయి.
ఈ చిత్రంలో ధనుష్‌తో పాటు మలయాళ స్టార్ మమ్ముట్టి కీలక పాత్రలో కనిపించనున్నారు. సాయి పల్లవి పవర్‌ఫుల్ పోలీస్ ఆఫీసర్‌గా నటించనుందనే ప్రచారం నడుస్తోంది. అలాగే, శ్రీలీల కూడా హీరోయిన్‌గా నటిస్తోంది.
వరుసగా పాటలు, గ్లింప్స్‌తో ‘ఓం’ రోజురోజుకీ అంచనాలను పెంచుతోంది. ఈ క్రమంలో ఓం మూవీ బాక్సాఫీస్ దగ్గర ఎలాంటి మ్యాజిక్ చేస్తుందో చూడాలి. ధనుష్ నటన, స్టార్ క్యాస్ట్, సాయి అభ్యంకర్ మ్యూజిక్ ఈ సినిమాకు మెయిన్ అట్రాక్షన్ అని చెప్పొచ్చు.