Maruthi: వైష్ణవ్ తేజ్ కోసం మారుతి మార్క్ ఎంటర్టైనర్.. ‘హ్యాపీ పొంగల్’తో హిట్టు కొడతారా?

Director maruthi doing his next movie with vaishnav tej

• డైరెక్టర్ మారుతీ నెక్స్ట్ సినిమా ఫిక్స్
• వైష్ణవ్ తేజ్ ‘హ్యాపీ పొంగల్’ మూవీ
• త్వరలోనే అధికారిక ప్రకటన

Maruthi: ప్రభాస్ వంటి పాన్ ఇండియా స్టార్‌తో ‘రాజా సాబ్’ సినిమాను తెరకెక్కించిన దర్శకుడు మారుతీ, ఆ చిత్రం బాక్సాఫీస్ వద్ద ఆశించిన ఫలితాన్ని ఇవ్వకపోవడంతో కొంతకాలంగా వార్తలకు దూరంగా ఉంటూ వస్తున్నాడు. భారీ అంచనాల మధ్య విడుదలైన ‘రాజా సాబ్’ ప్రేక్షకులను నిరాశపరచడంతో, ఈ డిజాస్టర్ తర్వాత మారుతీ(Maruthi) మీడియా ముందుకు వచ్చేందుకు ఆసక్తి చూపలేదు.

Disha patani: మెరిసే సొగసులతో మైమరపిస్తున్న దిశా.. ఈ రేంజ్ గ్లామర్ చూస్తే తట్టుకోగలరా?

అయితే, సుదీర్ఘ విరామం తర్వాత శ్రీరామనవమి పర్వదినాన్ని పురస్కరించుకుని ఆయన సోషల్ మీడియా ద్వారా పలకరించారు. తన అభిమానులకు, ప్రేక్షకులకు పండుగ శుభాకాంక్షలు తెలుపుతూ పెట్టిన ఈ పోస్ట్ ఇప్పుడు ఫిలిం నగర్ వర్గాల్లో చర్చనీయాంశమైంది. ప్రస్తుతం మారుతీ తన తదుపరి ప్రాజెక్టుపై పూర్తిస్థాయిలో దృష్టి సారించినట్లు తెలుస్తోంది. ‘హ్యాపీ పొంగల్’ అనే ఆసక్తికరమైన టైటిల్‌తో ఆయన ఒక కొత్త కథను సిద్ధం చేస్తున్నారు.

ఈ సినిమాలో మెగా హీరో వైష్ణవ్ తేజ్ హీరోగా నటించనున్నట్లు సమాచారం. తన మార్కు వినోదం, ఫ్యామిలీ ఎమోషన్స్‌తో ఈ చిత్రాన్ని మలుస్తున్నాడట మారుతీ. రాజాసాబ్ ఎఫెక్ట్ ను మర్చిపోయేలా వైష్ణవ్ తేజ్‌తో ఒక భారీ సక్సెస్‌ను అందుకోవాలని ఆయన పట్టుదలతో ఉన్నారు. ఇక వైష్ణవ్ తేజ్ కూడా ఆది కేశవ డిజాస్టర్ తరువాత మరో సినిమా చేయలేదు. కాబట్టి, ఈ ఇద్దరికీ హ్యాపీ పొంగల్ సినిమా ప్రత్యేకంగా మారింది. ప్రస్తుతం ఈ సినిమా స్క్రిప్ట్ వర్క్ తుది దశకు చేరుకుందని, త్వరలోనే ఈ ప్రాజెక్టుకు సంబంధించిన అధికారిక ప్రకటన, ఇతర నటీనటులు, సాంకేతిక నిపుణుల వివరాలను ప్రకటించే అవకాశం ఉంది. మరి క్రేజీ కాంబోలో వస్తున్న ఈ సినిమా ఎలాంటి రిజల్ట్ అందుకుంటుంది అనేది చూడాలి.