Guppedantha Manasu Serial
Guppedantha Manasu Serial : ధరణి వసుధరకు ఫోన్ చేసి రిషి ప్రమాదంలో ఉన్నాడని చెబుతుంది. రిషిని కలవడానికి వెళ్లిన జగతి ప్రాణాపాయంలో చిక్కుకుంటుంది. అసలు ‘గుప్పెడు మనసు’ సీరియల్‌లో ఏం జరగబోతోంది?
Paluke Bangaramayana : పలుకే బంగారమాయెనా.. సరికొత్త సీరియల్.. కలలను సాధించే ప్రయాణం..
‘గుప్పెడు మనసు’ సీరియల్ ప్రేక్షకులను ఆకట్టుకుంటూ ముందుకు వెళ్తోంది. ఈరోజు ఎపిసోడ్ మరింత ఉత్కంఠ కలిగించబోతోంది. కాలేజ్‌లో ఉన్న వసుధరకు ధరణి ఫోన్ చేసి తన భర్త శైలేంద్ర కారణంగా రిషి ప్రమాదంలో పడ్డాడని అతను ఎక్కడ ఉన్న వెంటనే కాపాడమని చెబుతుంది. ఆమె మాటలు విన్న వసుధర ఆందోళనకు గురౌతుంది. పాండ్యన్ ద్వారా రిషికి ఫోన్ చేయించి అతను ఎక్కడ ఉన్నాడో తెలుసుకుని అతనిని కాపాడటానికి వెళ్తుంది.
మరోవైపు రిషికి కొన్ని నిజాలు చెప్పి అతని ఇంటికి తీసుకురావడంతో పాటు రిషిని, వసుధరని ఒక్కటి చేయాలనుకుంటుంది జగతి. అందుకోసం రిషిని కలవడానికి బయలుదేరుతుంది. రిషి, జగతి కలుసుకుంటారు. తనను కలవమనడానికి కారణం చెప్పమని రిషి జగతిని అడుగుతాడు. ఈలోగా రిషిని చంపడానికి శైలేంద్ర పురమాయించిన వ్యక్తి అక్కడికి చేరుకుని గన్‌తో షూట్ చేయడానికి రెడీ అవుతాడు. వసుధర, పాండ్యన్ అక్కడికి చేరుకుంటారు. వెంటనే అక్కడి నుంచి వెళ్లిపోవాలని కంగారు పెడతారు. ఈలోగా గన్ గురి చేసిన వ్యక్తి రిషీని షూట్ చేసేంతలో జగతి రిషికి అడ్డం రావడంతో బుల్లోట్ ఆమె గుండెల్లో దిగుతుంది. కుప్పకూలిపోయిన జగతిని ఆసుపత్రికి తీసుకెళ్తారు.
జగతిని చూడటానికి మహేంద్ర ఆందోళనగా ఆసుపత్రికి చేరుకుంటాడు. రిషి, వసుధర, పాండ్యన్ అందరూ ఆసుపత్రిలో విచారంగా ఉంటారు. డాక్టర్ వచ్చి జగతి పరిస్థితి చాలా ప్రమాదకరంగా ఉందని చెబుతాడు. రిషి కోపంగా డాక్టర్ కాలర్ పట్టుకుంటాడు. అంతలోనే తమాయించుకుని డాక్టర్‌ని ఎలాగైన జగతిని బ్రతికించమని రిక్వెస్ట్ చేస్తాడు. ఇక ఆసుపత్రిలో ఉన్న జగతి ప్రాణాలతో బయటపడుతుందా? రిషికి చెప్పాలనుకున్న నిజం చెబుతుందా? ఈరోజు గుప్పెడంత మనసు సీరియల్ ఎపిసోడ్ మరింత ఆసక్తికరంగా ఉండబోతోంది.
