HIT The Second Case: కేసు పరిష్కరించి నానికి రెండో “హిట్” ఇస్తానంటున్న అడివి శేషు.. హిట్-2 అప్‌డేట్ వచ్చేసింది!

HIT The Second Case Release Date Announced

HIT The Second Case: నేచురల్ స్టార్ నాని తన నటనతో ప్రేక్షకుల చేత మంచి నటుడు అనిపించుకోవడమే కాకుండా ప్రతిభ ఉన్నవాడిని ప్రోత్సహిస్తూ మంచి మనిషి కూడా అనిపించుకుంటున్నాడు. “వాల్ పోస్టర్ సినిమా” అంటూ ఒక నిర్మాణ సంస్థని స్థాపించి, కొత్త దర్శకులకు అవకాశం కలిపిస్తున్నాడు. ఆ క్రమంలోనే ప్రశాంత్ వర్మ, శైలేష్ కొలను వంటి దర్శకులతో సినిమాలు తీసి మంచి విజయాలను అందుకున్నాడు.

Adivi Sesh: ‘హిట్-2’పై అడివి శేష్ సాలిడ్ అప్‌డేట్

గతంలో శైలేష్ కొలను దర్శకత్వంలో విశ్వక్ సేన్ హీరోగా తెరకెక్కిన “హిట్ ది ఫస్ట్ కేస్” మంచి విజయాన్ని అందుకున్న విషయం తెలిసిందే. అయితే ఆ సినిమా రిలీజ్ అప్పుడే సీక్వెల్ ఉండనట్లు చెప్పుకొచ్చిన మూవీ మేకర్స్.. “హిట్ ది సెకండ్ కేస్” చిత్రీకరణ పూర్తి చేసి విడుదలకు సిద్ధం చేస్తున్నారు. డిసెంబర్ 2న ఈ సినిమా రాబోతున్నట్టు నేడు ఒక పోస్టర్ ని విడుదల చేసింది చిత్ర యూనిట్.

హిట్-1 లో విశ్వక్ సేన్ లీడ్ రోల్ చేయగా, హిట్-2 లో అడవి శేషు కథానాయకుడి పాత్రలో కనిపించబోతున్నాడు. అడవి శేషు నటించిన మూవీస్ అంటే ఆడియన్స్ లో మంచి క్రేజ్ ఉంది, పైగా ఒక హిట్ మూవీకి సీక్వెల్ గా వస్తుండడంతో ప్రేక్షకుల్లో భారీ అంచనాలే ఉన్నాయి. ఇక హిట్-1 తెరకెక్కించిన శైలేష్ కోలనే ఈ సినిమాకు కూడా కథని అందిస్తూ, దర్శకత్వం వహిస్తున్నాడు.