Jagapathi Babu: రాయణం పాత్ర నాదే.. మీకు మార్కెట్ లేదని మొహం మీదే చెప్పేశాడు.. ఉప్పెన గురించి షాకింగ్ నిజాలు

Jagapathi Babu interesting comments on vijay sethupathi Rayanam character in Uppena movie

• ‘పెద్ది’లో అప్పలసూరిగా జగపతిబాబు.
• బుచ్చిబాబు నిజాయితీపై ఆసక్తికర వ్యాఖ్యలు.
• ‘ఉప్పెన’ రాయణం పాత్రపై కామెంట్స్.

Jagapathi Babu: మెగా పవర్‌స్టార్ రామ్ చరణ్ హీరోగా, స్టార్ డైరెక్టర్ బుచ్చిబాబు సన తెరకెక్కిస్తున్న ప్రతిష్టాత్మక చిత్రం ‘పెద్ది’. గ్లోబల్ బ్యూటీ జాన్వీ కపూర్ హీరోయిన్‌గా నటిస్తున్న ఈ పాన్ ఇండియా మూవీపై ప్రేక్షకుల్లో భారీ అంచనాలు నెలకొన్నాయి. జూన్ 4న ప్రపంచవ్యాప్తంగా గ్రాండ్‌గా విడుదల కాబోతున్న ఈ చిత్రంలో వర్సటైల్ యాక్టర్ జగపతిబాబు ‘అప్పలసూరి’ అనే పవర్‌ఫుల్ రోల్‌లో నటిస్తున్నారు. ఈ క్యారెక్టర్ సినిమాకే ప్రధాన ఆకర్షణగా నిలవనుందని ఇండస్ట్రీ వర్గాల టాక్.

SatyaDev: హీరోని మార్చెయ్ అన్నారు.. ఆర్జీవీ ఆలా అంటారనుకోలేదు.. సత్యదేవ్ ఎమోషనల్

తాజాగా ఈ సినిమా ప్రమోషన్లలో పాల్గొన్న జగపతిబాబు(Jagapathi Babu) తన పాత్ర గురించి ఆసక్తికర విషయాలను పంచుకున్నారు. తన సుదీర్ఘ సినీ కెరీర్‌లోనే ‘అప్పలసూరి’ పాత్ర చాలా ప్రత్యేకమైనదని ఆయన పేర్కొన్నారు. బుచ్చిబాబు పాత్రలను డిజైన్ చేసే విధానం అద్భుతంగా ఉంటుందని ప్రశంసించారు. అయితే ఈ సందర్భంగా డైరెక్టర్ బుచ్చిబాబుకు సంబంధించిన ఒక పాత నిజాన్ని బయటపెడుతూ జగపతిబాబు చేసిన వ్యాఖ్యలు ఇప్పుడు ఫిలిం నగర్ సర్కిల్స్‌లో హాట్ టాపిక్‌గా మారాయి.

నిజానికి బుచ్చిబాబు డెబ్యూ మూవీ ‘ఉప్పెన’లోని ఐకానిక్ రాయణం పాత్ర కోసం మొదట జగపతిబాబునే అనుకున్నారట. ఆ కథ చెప్పడానికి బుచ్చిబాబు ఆయన ఇంటి వరకు వచ్చి, ఎందుకో వెనక్కి వెళ్లిపోయాడని తెలిపారు. ఆ తర్వాత ఎందుకు రాలేదని అడగ్గా.. “సార్, మీకంటే విజయ్ సేతుపతికి అక్కడ మార్కెట్ ఎక్కువ ఉంది కదా.. అందుకే ఆయన్ని తీసుకున్నాం” అని బుచ్చిబాబు మొహం మీదే చెప్పాడట. కథ చెప్పకపోయినా, కనీసం నిజాయితీగా ఆ నిజాన్ని ఒప్పుకున్నందుకు బుచ్చిబాబును అభినందిస్తున్నట్లు జగపతిబాబు నవ్వుతూ చెప్పుకొచ్చారు. ప్రస్తుతం ఆయన చేసిన ఈ కామెంట్స్ వైరల్ అవుతున్నాయి.