James Cameron wrote sensational letter on Netflix-Warner Bros deal
James Cameron: హాలీవుడ్ స్టార్ డైరెక్టర్ జేమ్స్ కామెరూన్(James Cameron) సంచలన లేక రాశారు. వార్నర్ బ్రదర్స్ నెట్ ఫ్లిక్స్ తో చేసుకున్న ఒప్పందం అనేది సినిమా రంగానికి పెద్ద విపత్తు లాంటిది అని ఆయన సంచనల కామెంట్స్ చేశారు. ఈమేరకు అమెరికన్ సెనేటర్ మైక్ లీకి ఆయన సుదీర్ఘమైన లేఖను రాశారు. ఈ లేఖలో జేమ్స్ కామెరూన్ చాలా విషయాల గురించి చర్చించారు.
‘నా సినిమాలు ఓటీటీలో రావడం తప్పనిసరి. కానీ, ఒక దర్శకుడిగా నేను మాత్రం ఎప్పుడూ థియేటర్ ఎక్స్పీరియెన్సే ఇష్టపడతాను. స్ట్రీమింగ్ అండ్ ఓటీటీ ప్లాట్ఫామ్స్ కేవలం సబ్స్క్రిప్షన్ల పైన మాత్రమే ఆధారపడతాయి. వాటివల్ల సినిమాలు నేరుగా ఓటీటీకి వెళ్లే అవకాశం ఎక్కువగా ఉంటుంది. వార్నర్ బ్రదర్స్ వంటి పెద్ద స్టూడియోలు రూట్ మార్చుకుంటే.. మిగిలిన స్టూడియోల మీద ఒత్తిడి పెరిగి అవి కూడా వేరేదారిలో వెళ్లాల్సి వస్తుంది. అప్పుడు భారీ బడ్జెట్ సినిమాల నిర్మాణం తగ్గిపోయే ప్రమాదం ఉంది.
అలా జరిగితే థియేటర్ రిలీజ్ విండోలు తగ్గిపోతాయి. వేలాది మంది థియేటర్ కార్మికులు ఉపాధి కోల్పోతారు. నెట్ఫ్లిక్స్ లాంటి దిగ్గజాలు సంతలు కేవలం బిజినెస్ కోణంలోనే ఆలోచించడం కరక్ట్ కాదు. అలా చేస్తే సినిమా అనే కళాఖండం తన ఉనికిని కోల్పోతుంది” అంటూ ఎమోషనల్ కామెంట్స్ చేశాడు. దీంతో జేమ్స్ కామెరూన్ రాసిన ఈ లేఖ ఇప్పుడు నెట్టింట వైరల్ గా మారింది.
