Family Star : రిలీజ్‌కి ముందే ఫుల్ వీడియో సాంగ్‌ని రిలీజ్ చేసేసిన ఫ్యామిలీ స్టార్.. కళ్యాణి వచ్చా వచ్చా..

Kalyani Vaccha Vacchaa full video Song Released From Vijay Deverakonda The Family Star

Family Star : విజయ్ దేవరకొండ, మృణాల్ ఠాకూర్ కలిసి నటిస్తున్న సినిమా ‘ఫ్యామిలీ స్టార్’. ‘గీతగోవిందం’ దర్శకుడు పరుశురామ్ మరోసారి విజయ్ తో కలిసి ఈ సినిమాని ఆడియన్స్ ముందుకు తీసుకు వస్తున్నారు. ఈ వారం రిలీజ్ కాబోతున్న ఈ మూవీ నుంచి ఇప్పటికే సాంగ్స్ అండ్ టీజర్స్ ని రిలీజ్ చేసారు. ఈక్రమంలోనే మూవీ నుంచి రిలీజ్ చేసిన పెళ్లి సాంగ్ ‘కళ్యాణి వచ్చా వచ్చా’ సూపర్ హిట్టుగా నిలిచింది.

అయితే ఈ సాంగ్ లిరికల్ వీడియోని మాత్రమే రిలీజ్ చేసారు. రిలీజ్ కి ముందు ఇలా లిరికల్ వీడియోని మాత్రమే రిలీజ్ చేయడం టాలీవుడ్ లోని ట్రెండ్, అయితే బాలీవుడ్ లో మాత్రం ఫుల్ వీడియో సాంగ్ ని విడుదల చేసేస్తారు. ఇప్పుడు ఆ ట్రెండ్ ని టాలీవుడ్ కి తీసుకు వస్తూ.. ‘కళ్యాణి వచ్చా వచ్చా’ ఫుల్ వీడియో సాంగ్ ని సినిమా రిలీజ్ కి ముందే రిలీజ్ చేసేసారు.

గీతగోవిందంకి మ్యూజిక్ చేసిన గోపి సుందర్ ఈ సినిమాకి కూడా సంగీతం అందిస్తున్నారు. ఈ పోటాకి అనంత్ శ్రీరామ్ లిరిక్స్ రాయగా.. మంగ్లీ, కార్తీక్ పాడారు. మరి ఆ ఫుల్ వీడియో సాంగ్ ని మీరు కూడా చూసేయండి.

Also read : Adivi Sesh – Akira Nandan : అడివి శేష్, అకిరా ఇంత క్లోజ్ ఫ్రెండ్సా.. అకిరా కోసం పవన్‌కి నో..

కాగా ఈ సినిమా ఏప్రిల్ 5న తెలుగుతో పాటు తమిళంలో కూడా రిలీజ్ కాబోతుంది. రెండు వారలు తరువాత హిందీ అండ్ మలయాళంలో కూడా ఈ మూవీని రిలీజ్ చేస్తారట. గీతగోవిందం కాంబినేషన్ నుంచి వస్తున్న సినిమా కావడంతో విజయ్ అభిమానుల్లో భారీ అంచనాలు నెలకొన్నాయి. గీతగోవిందం తరువాత మళ్ళీ అలాంటి హిట్ విజయ్ కి పడలేదు. దీంతో ఫ్యాన్స్ ఈ సినిమాతో ఒక గట్టి కమ్ బ్యాక్ ఆశిస్తున్నారు.