Kurma Nayaki story tells devils protect goddess from humans
Kurma Nayaki : మనుషులకి దొంగలు నుంచి సమస్య ఎదురైనా, దెయ్యాల నుంచి భయం కలిగినా.. ధైర్యం కోసం దేవుడిని ప్రార్ధిస్తారు. తమ సమస్యని విన్న దేవుడు తమ కోసం వస్తాడని, తమని రక్షిస్తారని నమ్ముతారు. అందుకనే ఏ సమస్య వచ్చినా ముందుగా దేవుడినే తలచుకుంటారు. అలాంటిది దేవుడికే సమస్య వస్తే.. అది కూడా మనుషులు వల్లే సమస్య ఎదురైతే.. ఎవరు వచ్చి కాపాడతారు..? మన పురాణాల్లో దేవతలకు సైతం సమస్యలు వచ్చినప్పుడు.. పరిష్కారం కోసం త్రిమూర్తులను ప్రార్థిస్తారు.
ఇక ఆ త్రిమూర్తులు దేవతల సమస్యకు పరిష్కారం చెప్పడం, లేదా వారే రంగంలోకి దిగి ఆ సమస్యని తొలిగించడమో చేస్తారు. ఇప్పటి వరకు ఇలాంటి కథలు చాలానే విని ఉంటారు. కానీ ఇప్పుడు ఒక సరికొత్త కొత్త వినిపించబోతున్నారు, కాదు కాదు చూపించబోతున్నారు. ఈ కథలో దేవుడికి మనుషులు నుంచే సమస్య ఎదురవుతుంది. ఇక ఆ సమస్య నుంచి దేవుళ్ళని కాపాడడానికి దెయ్యాలు, దొంగలు వస్తారట. ఇది వినడానికి చాలా విచిత్రంగా ఉంది కదా. కానీ ఇప్పుడు ఇదే కథని సినిమాగా తీసుకు రాబోతున్నారు.
Also read : Salaar : సలార్ నుంచి క్రేజ్ అప్డేట్ ఇచ్చిన ప్రశాంత్ నీల్.. కానీ బ్యాడ్ న్యూస్..
వరలక్ష్మి శరత్ కుమార్ ప్రధాన పాత్రలో ఒక హార్రర్ థ్రిల్లర్ మూవీ తెరకెక్కబోతుంది. ‘కుర్మా నాయకి’ అనే టైటిల్ తో రూపొందుతున్న ఈ మూవీ షూటింగ్ స్టార్ట్ అయ్యింది. కొత్త దర్శకుడు హర్ష వర్ధన్ ఈ సినిమాని డైరెక్ట్ చేస్తున్నారు. ఇతను దర్శకుడు సుకుమార్ శిష్యుడని తెలుస్తుంది. శేఖర్ చంద్ర ఈ సినిమాకి సంగీతం అందించబోతున్నారు. ఎం ఎం క్రియేషన్స్ బ్యానర్ లో మొదటి సినిమాగా విజిత్ రావు ఈ మూవీని నిర్మించబోతున్నారు. తెలుగుతో పాటు తమిళ్, హిందీ భాషల్లో కూడా ఈ చిత్రాన్ని రిలీజ్ చేసేలా సినిమాని తెరకెక్కిస్తున్నారు.
