Sundar C : తమిళనాడు ఎలక్షన్స్.. తన భార్యని అక్క అని పిలుస్తున్నందుకు విజయ్ ని తిట్టడంట..

Sundar C

Sundar C : తమిళనాడులో ఎన్నికల ప్రచారం జోరుగా సాగుతుంది. ఏప్రిల్ 23న అక్కడ అసెంబ్లీ ఎన్నికలు జరగనున్నాయి. ప్రస్తుతం అధికారంలో ఉన్న DMK పార్టీతో పాటు BJP కూటమి, హీరో విజయ్ పార్టీలు పోటాపోటీగా తలపడనున్నాయి.

నటుడు, దర్శకుడు, ఒకప్పటి హీరోయిన్ కుష్బూ భర్త సుందర్ కూడా ఈ సారి ఎన్నికల్లో పోటీ చేస్తున్నాడు. PNK పార్టీ తరపున BJP కూటమిలో మదురై నుంచి సుందర్ ఎమ్మెల్యేగా పోటీ చేస్తున్నాడు. ఎన్నికల ప్రచారంలో పాల్గొంటున్న సుందర్ తాజాగా ఆసక్తికర వ్యాఖ్యలు చేసాడు. విజయ్ పై, TVK పార్టీపై ఎలాంటి కామెంట్స్ చెయ్యట్లేదు ఎందుకు అని అడగ్గా దీనికి సుందర్ చెప్పిన మాటలు వైరల్ గా మారాయి.

Also Read : NTR : రెండు సినిమాలు మొదలయి ఆగిపోయాయి.. కట్ చేస్తే ఇండస్ట్రీ హిట్ కొట్టిన ఎన్టీఆర్..

సుందర్ మాట్లాడుతూ… నా భార్య కుష్బూ విజయ్ ని తమ్ముడిలా భావిస్తుంది. విజయ్ కూడా నా భార్యని అక్క అని పిలుస్తాడు. అందుకే నేను విజయ్ ని విమర్శించడానికి సిద్ధంగా లేను అని అన్నారు. రక్త సంబంధం ఉన్నవాళ్లే వేరే పార్టీలో ఉంటే తిట్టిస్తున్న ఈ రోజుల్లో కేవలం తన భార్యని అక్క అని పిలుస్తున్నందుకు విజయ్ ని విమర్శించను అంటూ సుందర్ చేసిన కామెంట్స్ ని పలువురు అభినందిస్తున్నారు. కానీ పార్టీలో వేరే వాళ్లపై, తప్పు చేసేవాళ్లపై మాత్రం మాట్లాడతాను అని అన్నారు సుందర్.