Mahesh Babu
Mahesh Babu : మహేష్ బాబు ప్రస్తుతం రాజమౌళి తో వారణాసి సినిమా చేస్తున్న సంగతి తెలిసిందే. హాలీవుడ్ టార్గెట్ గా పెట్టుకొని భారీగా ఈ సినిమాని తెరకెక్కిస్తున్నారు. ఈ సినిమాతో మహేష్ రేంజ్ హాలీవుడ్ స్థాయికి వెళ్లడం గ్యారెంటీ. రాజమౌళి హాలీవుడ్ లో కూడా ప్రమోషన్స్ చేస్తున్నాడు. ఇటీవల వారణాసి గ్లింప్స్ రిలీజయిన సమయంలో రాజమౌళి, మహేష్, ప్రియాంక చోప్రా, పృథ్వీరాజ్ సుకుమారన్ హాలీవుడ్ లో స్పెషల్ ఇంటర్వ్యూలు ఇచ్చారు.(Mahesh Babu)
తాజాగా హాలీవుడ్ లో ఇచ్చిన ఇంటర్వ్యూ రిలీజవ్వగా ఇందులో మహేష్ పలు ఆసక్తికర విషయాలు తెలిపారు. ఈ క్రమంలో పోకిరి సినిమా గురించి మాట్లాడటం విశేషం. మహేష్ కెరీర్లో పోకిరి ఎంత పెద్ద విజయం సాధించిందో అందరికి తెలిసిందే. పూరి జగన్నాధ్ దర్శకత్వంలో తెరకెక్కిన ఈ సినిమా అప్పట్లోనే ఆల్మోస్ట్ 75 కోట్ల గ్రాస్ వసూలు చేసి ఇండస్ట్రీ హిట్ గా నిలిచింది. ఈ సినిమాతో మహేష్ కి సూపర్ స్టార్ గా మరింత స్టార్ డమ్ పెరిగింది.
హాలీవుడ్ కి ఇచ్చిన ఇంటర్వ్యూలో వారణాసి ముందు మీ లైఫ్ ని మార్చిన సినిమా ఏది అని అడగ్గా మహేష్ బాబు సమాధానమిస్తూ.. నేను కేవలం 29 సినిమాలు మాత్రమే చేశాను. కానీ 25 ఏళ్లుగా పరిశ్రమలో ఉన్నాను. చైల్డ్ ఆర్టిస్ట్ గా కొన్ని సినిమాలు చేశాను. నా కెరీర్ లో పోకిరి సినిమా నన్ను స్టార్ గా చేసింది. అది నన్ను చాలా మార్చింది. 2006లో పోకిరి సినిమా రిలీజయింది. అక్కడ అది చాలా పెద్ద హిట్ అయింది.
ఆ సినిమా తర్వాత ఏం చేయాలి అనే కన్ఫ్యూజన్ ఏరపడింది నాకు. ఆ సినిమా తర్వాత ఆడియన్స్ అంచనాలు పెరిగిపోయాయి. అందుకే అంత పెద్ద హిట్ తర్వాత కన్ఫ్యూజన్ లో పడ్డాను. ప్రతి సినిమా మనిషిగా నన్ను ఎంతో కొంత మార్చింది అని తెలిపారు. దీంతో హాలీవుడ్ లో పోకిరి సినిమా గురించి చెప్పడం గ్రేట్ అంటూ మహేష్ ఫ్యాన్స్, పూరి ఫ్యాన్స్ మహేష్ ని పొగిడేస్తున్నారు.
Also Read : Mahesh Babu : రాజమౌళి ఒక సంవత్సరం వరకు నాకు ఏం చెప్పలేదు.. మహేష్ బాబు కామెంట్స్ వైరల్..
