Vishnu – Manoj : హార్డ్ డిస్క్ ఇమ్మని మనోజ్ తో మాట్లాడించా.. పోయిన హార్డ్ డిస్క్ పై విష్ణు కామెంట్స్.. ‘కన్నప్ప’ సినిమా రిలీజ్ అవుతుందా?
మంచు విష్ణు ఇచ్చిన ఓ ఇంటర్వ్యూలో ఈ హార్డ్ డిస్క్ వివాదంపై మాట్లాడారు.
- Published By: 10TV Digital Team ,Published On : June 4, 2025 / 12:27 PM IST
Manchu Vishnu Comments on Missing Kannappa Hard Disk and Manchu Manoj
Vishnu – Manoj : మంచు విష్ణు భారీ బడ్జెట్ తో, ప్రభాస్, మోహన్ లాల్, అక్షయ్ కుమార్, కాజల్ లాంటి స్టార్స్ తో తెరకెక్కిస్తున్న కన్నప్ప సినిమా జూన్ 27 రిలీజ్ కానుంది. అయితే ఇటీవల కన్నప్ప సినిమాకు సంబంధించిన హార్డ్ డిస్క్ పోయిందని మంచు విష్ణు పోలీసులకు కంప్లైంట్ ఇచ్చిన సంగతి తెలిసిందే. మంచు మనోజ్ తరపు మనుషులే ముంబై నుంచి VFX వర్క్ చేసిన కన్నప్ప సినిమాకు సంబంధించిన హార్డ్ డిస్క్ ని తీసుకున్నారని విష్ణు ఆరోపిస్తున్నాడు.
ఆ హార్డ్ డిస్క్ లో ప్రభాస్ సీన్స్, యాక్షన్ సీన్స్ కలిపి ఒక అరగంట కంటెంట్ ఉంటుందని చెప్పారు. దీంతో గత కొన్ని రోజులుగా కన్నప్ప హార్డ్ డిస్క్ అంశం వైరల్ గా మారి కంటెంట్ ఉన్న హార్డ్ డిస్క్ పోతే కన్నప్ప సినిమా రిలీజ్ అవుతుందా లేదా అనే ప్రశ్న నెలకొంది. కన్నప్ప ప్రమోషన్స్ లో మంచు విష్ణు ఇచ్చిన ఓ ఇంటర్వ్యూలో ఈ హార్డ్ డిస్క్ వివాదంపై మాట్లాడారు.
మంచు విష్ణు మాట్లాడుతూ.. కన్నప్ప సినిమాకు 8 కంపెనీలు VFX చేస్తున్నాయి. బాంబేలో ఒక కంపెనీ వర్క్ చేసి ఇక్కడ హైదరాబాద్ లో DI కంపెనీకి పంపిస్తే ఏదో టెక్నికల్ ఇష్యూ వచ్చిందని సెకండ్ టైం మళ్ళీ చేసి ఆ కంటెంట్ వాళ్ళ దగ్గర ఒక కాపీ పెట్టుకొని, ఆది వెరిఫికేషన్ కి మాకు ఒక హార్డ్ డ్రైవ్ లో పాస్ వర్డ్ ప్రొటెక్షన్ పెట్టి పంపించారు. మేము అలా పంపించమని అడగలేదు, వాళ్ళే పంపించారు. మాకు ఏ కొరియర్ వచ్చినా నాన్న గారి అడ్రెస్ కే వెళ్తుంది. అక్కడ్నుంచి మేము తీసుకుంటాం. ఆ కొరియర్ వచ్చినప్పుడు అక్కడ రఘు అనే వ్యక్తి ఇలా కొరియర్ వచ్చింది అని చరిత అనే అమ్మాయికి ఫోన్ చేస్తే మా నిర్మాణ సంస్థ పేరు ఉంది అని తీసుకోమందట. అది తీసుకొని ఇద్దరూ వెళ్లిపోయారు.
ఈ విషయం మాకు తెలియడంతో కంపెనీ రిప్రజెంటివ్ లేకుండా మీరు ఎలా ఇచ్చారు అని కొరియర్ కంపెని ని ప్రశ్నించాం. బాంబే VFX కంపెనీ వాళ్ళు కూడా పంపిస్తున్నట్టు మాకు చెప్పలేదు చెప్తే మేము ఫాలోఅప్ చేసేవాళ్ళం. తర్వాత రఘు, చరిత అనే వీరిద్దరూ మనోజ్ గారితో ఉంటారని తెలిసింది. ఫస్ట్ హార్డ్ డిస్క్ ఇమ్మని మధ్యవర్తులతో మనోజ్ తో మాట్లాడించాం అయినా ఇవ్వలేదు. దీంతో పోలీస్ కంప్లైంట్ ఇచ్చాం. ఇంకా హార్డ్ డిస్క్ మా చేతికి రాలేదు. వాళ్ళు అందులో కంటెంట్ లీక్ చేయకపోతే హ్యాపీ. జూన్ 20 కల్లా ఫస్ట్ కాపీ రెడీ అయిపోతుంది, జూన్ 27 సినిమా అన్ని భాషల్లో రిలీజ్ అవుతుంది అని తెలిపారు.
Also Read : Siddhu Jonnalagadda : సినిమా ఫ్లాప్ అవ్వడంతో.. సగం రెమ్యునరేషన్ వెనక్కి ఇచ్చేసిన డీజే టిల్లు..
దీంతో మిస్ అయిన హార్డ్ డిస్క్ లో ఉండే కంటెంట్ బాంబేలో VFX చేసే కంపెనీ దగ్గర కూడా ఇంకో కాపీ ఉందని, దాంతో ఫైనల్ అవుట్ పుట్ కి ఎలాంటి ఇబ్బంది లేదని, చెప్పిన డేట్ కే కన్నప్ప రిలీజ్ అవుతుందని క్లారిటీ ఇచ్చారు మంచు విష్ణు.
