RC 15 : అప్పుడు యాక్టర్.. ఇప్పుడు మ్యూజిక్ డైరెక్టర్..!

Thaman

RC 15: యంగ్ మ్యూజిక్ సెన్సేషన్ థమన్ తన కెరీర్‌లో మైల్‌ స్టోన్ మూవీ చెయ్యబోతున్నాడు. సిల్వర్ స్ర్కీన్ సెల్యూలాయిడ్ శంకర్, మెగా పవర్ స్టార్ రామ్ చరణ్, టాలీవుడ్ టాప్ ప్రొడక్షన్ హౌస్ శ్రీ వెంకటేశ్వర క్రియేషన్స్ కలయికలో ఓ క్రేజీ ప్రాజెక్ట్ తెరకెక్కుతున్న సంగతి తెలిసిందే. ఇది దిల్ రాజు నిర్మిస్తున్న 50వ సినిమా కాగా చరణ్ నటిస్తున్న 15వ మూవీ కావడం విశేషం..

RC 15 : సీఎంగా చరణ్!.. శంకర్ ఆ సినిమాకి సీక్వెల్ చేస్తున్నారా?..

ఈ ప్రెస్టీజియస్ ప్రాజెక్టుకి సంగీత దర్శకుడిగా థమన్‌ని ఫిక్స్ చేశారు. శంకర్ డైరెక్ట్ చేసిన ‘బాయ్స్’ సినిమాలో ఐదుగురు కుర్రాళ్లల్లో ఒకడిగా నటించాడు థమన్. తను మ్యూజిక్ కంపోజ్ చేసిన 50వ సినిమా ‘ఆగడు’ ఆడియో వేడుకకు శంకర్ గెస్ట్‌గా వచ్చి విష్ చేశారు కూడా. అప్పుడు తనను యాక్టర్‌గా ఇంట్రడ్యూస్ చేసిన స్టార్ డైరెక్టర్ సినిమాకు సంగీతమందించనుండడంతో థమన్ తెగ ఖుష్ అయిపోతున్నాడు.

ఇక చెర్రీ నటించిన ‘నాయక్’, ‘బ్రూస్‌లీ’ తర్వాత థమన్ ట్యూన్స్ ఇస్తున్న సినిమా కూడా ఇదే. ఇటీవలే యంగ్ అండ్ ఎనర్జిటిక్ కొరియోగ్రాఫర్ జానీ మాస్టర్ ఈ చిత్రానికి పనిచేస్తుండడం సంతోషంగా ఉందని పోస్ట్ చేశారు. ప్రస్తుతం ఈ క్రేజీ ప్రాజెక్టుకి సంబంధించిన ప్రీ ప్రొడక్షన్ పనులు జెట్ స్పీడ్‌తో జరుగుతున్నాయి.