నవీన్ చంద్ర, గాయత్రి సురేష్ జంటగా నటిస్తున్న సినిమాకు ‘నేనులేని నా ప్రేమకథ’ అనే టైటిల్ ఫిక్స్ చేశారు..
ఓ వైపు హీరోగా నటిస్తూనే కథ, క్యారెక్టర్ నచ్చితే విలన్ వేషాలు కూడా వేస్తున్నాడు యంగ్ హీరో నవీన్ చంద్ర.. తాజాగా నవీన్ హీరోగా నటిస్తున్న కొత్త సినిమా టైటిల్ పోస్టర్ రిలీజ్ చేశారు. ఈ చిత్రాన్ని ఎమ్ ఎస్ సుబ్బల‌క్ష్మి స‌మ‌ర్ప‌ణ‌లో త్రిషాల ఎంట‌ర్‌టైన్‌మెంట్స్ బ్యాన‌ర్‌పై క‌ళ్యాణ్ కందుకూరి నిర్మిస్తుండగా సురేష్ ద‌ర్శ‌క‌త్వం వహిస్తున్నారు. ఈ మూవీకి ‘నేనులేని నా ప్రేమకథ’ అనే టైటిల్‌ని ఖ‌రారు చేశారు. నవీన్ చంద్ర స‌ర‌స‌న గాయత్రి ఆర్ సురేష్ హీరోయిన్‌గా చేస్తుంది. క్రిష్ సిద్దిప‌ల్లి, అదితి ముఖ్య పాత్ర‌ల్లో న‌టించారు. ఈ చిత్రంలో ప్ర‌ముఖ న‌టుడు రాజా ర‌వీంద్ర కీల‌క పాత్ర‌లో న‌టించారు.
నిర్మాత క‌ళ్యాణ్ కందుకూరి మాట్లాడుతూ : ‘‘చాలా రొజుల త‌రువాత ఓ ఫ్రెష్ ల‌వ్ స్టోరితో ద‌ర్శ‌కుడు సురేష్ మా ద‌గ్గ‌ర‌కి రావ‌టం జ‌రిగింది. విన్న‌వెంట‌నే చాలా కొత్త‌గా అనిపించింది. కాన్సెప్ట్‌కి క‌నెక్ట్ అయ్యాను. నేనే కాదు ఈ సినిమా చూసిన ప్ర‌తి ఒక్క‌రూ వారి వారి ప్రేమ క‌థ‌కి ద‌గ్గ‌ర‌వుతారు. నవీన్ చంద్ర, గాయత్రి ఆర్ సురేష్ వారి పాత్ర‌ల్లో ఇమిడిపోయి న‌టించారు. ఈ సినిమాకి జువిన్ సింగ్ సంగీతం ఆక‌ట్టుకుంటుంది. రాజా ర‌వీంద్ర పాత్ర అంద‌ర్నీ ఆక‌ట్టుకుంటుంది. ఈ చిత్రం యెక్క టైటిల్ లుక్ టీజ‌ర్‌ని పోస్ట‌ర్‌ని విడుద‌ల చేయగా.. మంచి రెస్పాన్స్ రావ‌టం చాలా ఆనందంగా ఉంది’’ అన్నారు.
ద‌ర్శ‌కుడు సురేష్ మాట్లాడుతూ : ‘‘ప్రేమ అంటే అది ప్ర‌తి ఒక్క‌రి మ‌న‌సులో కలిగే చ‌క్క‌టి ఫీలింగ్.. ఆ ఫీలింగ్ ఎదుటి మ‌నిషికి తెలియ‌జేయ‌టం అంటే అంత ఈజీ కాదు.. ప్రేమ విష‌యంలో దేశ ప్ర‌ధాని కూడా చిన్న పిల్ల‌వాడ‌వుతాడు. అలాంటి చ‌క్క‌టి ఫీలింగ్‌ని అంతే చ‌క్క‌గా తెర‌కెక్కించిన చిత్రం ‘నేనులేని నా ప్రేమకథ’.. ఇలాంటి ప్రేమ‌క‌థకి నేను ద‌ర్శ‌క‌త్వం వ‌హించ‌టం.. ఆ ఛాన్స్ నిర్మాత క‌ళ్యాణ్ గారు నాకు ఇవ్వ‌టం చాలా ఆనందంగా ఉంది. ఈరోజు విడుద‌ల చేసిన ఈ టైటిల్ టీజ‌ర్ చాలా వినూత్నంగా వుంద‌ని అంద‌రూ ప్ర‌శంశించ‌టం చాలా ఆనందంగా వుంది. ‘అంత:పురం’, ‘ఖ‌డ్గం’ లాంటి అద్బుత‌మైన చిత్రాలకి పనిచేసిన ఎస్.కె.ఏ.భూప‌తి చాలా అద్భుతమైన విజువ‌ల్స్ అందించారు. అలాగే ఎన్నో చిత్రాలకి త‌న ప‌నితనంతో విజ‌యాల్ని సునాయ‌సం చేసిన ఎడిటర్ ప్రవీణ్ పూడి ప‌నిత‌నం ఆక‌ట్టుకుంటుంది’’ అన్నారు.
కొ-ప్రోడ్యూస‌ర్స్‌.. గూడురు వెంక‌ట్‌, గూడురు ప్ర‌సాద్‌
కెమెరా.. ఎస్.కె.ఏ.భూప‌తి
ఎడిటర్.. ప్రవీణ్ పూడి
మాట‌లు.. స‌భీర్ షా
సంగీతం.. జువెన్ సింగ్
లిరిక్స్‌.. రాంబాబు గోసాల.
