మ‌ల‌యాళ ముద్దు గుమ్మ నివేదా థామ‌స్ చాలా సెలెక్టివ్‌గా సినిమాలు చేస్తూ వ‌స్తోంది. కొంత గ్యాప్ త‌రువాత ఆమె న‌టిస్తున్న మూవీ ’35 – చిన్న క‌థ కాదు’. నందకిషోర్ ద‌ర్శ‌క‌త్వంలో ఈ మూవీ తెర‌కెక్కుతోంది. ప్రియ‌ద‌ర్శి, విశ్వ కీల‌క పాత్ర‌ల్లో న‌టిస్తుండ‌గా రానా ద‌గ్గుబాటి నిర్మిస్తున్నారు. టైటిల్‌తోనే అంద‌రిని ఆక‌ట్టుకున్న ఈ మూవీ, ఫస్ట్ లుక్ పోస్ట‌ర్‌నూ మెప్పించింది. తాజాగా ఈ చిత్ర టీజర్ను విడుద‌ల చేశారు.
ఇందులో నివేదా థామ‌స్ ఓ మ‌ధ్య త‌ర‌గతి గృహిణి పాత్ర‌లో క‌నిపిస్తోంది. కొడుకు చ‌దువులో వెనుబ‌డ‌డంతో త‌న‌లాగా ఫెయిల్ కాకూడ‌ని, పాస్ మార్కులు తెచ్చుకోవాల‌ని టీచ‌ర్లు చెప్ప‌డంతో ఆ త‌ల్లి ఏం చేసింద‌నే క‌థాంశంతో ఈ మూవీ తెర‌కెక్కిన‌ట్లుగా టీజర్ను బ‌ట్టి అర్థ‌మ‌వుతోంది. నివేదా థామ‌స్ యాక్టింగ్ అదిరిపోయింది.
SVC 58 : వెంక‌టేశ్ అనీల్ రావిపూడి సినిమా మొద‌లు.. సంక్రాంతి బరిలో.. !
వివేక్ సాగ‌ర్ అందించిన బీజీఎం చాలా బాగుంది. తెలుగుతో పాటు త‌మిళ, మ‌ల‌యాళ భాష‌ల్లో ఆగ‌స్టు 15న ఈ సినిమా ప్ర‌పంచ వ్యాప్తంగా ప్రేక్ష‌కుల ముందుకు రానుంది.
