Janhvi Kapoor : ‘పెద్ది’లో జాన్వీ కపూర్ కి డబ్బింగ్ చెప్పింది ఎవరో తెలుసా..?

Janhvi Kapoor

Janhvi Kapoor : రామ్ చరణ్ పెద్ది సినిమా థియేటర్స్ లో పాజిటివ్ టాక్ తో దూసుకుపోతుంది. ఈ సినిమాలో బాలీవుడ్ భామ జాన్వీ కపూర్ హీరోయిన్ గా నటించింది. తన పాత్రకు అంతగా ప్రాధాన్యత లేకపోయినా అందాల ఆరబోత చేస్తూ ఒకటి రెండు ఎమోషనల్ సీన్స్ లో మెప్పించింది. ఈ సినిమాలో జాన్వీ పాత్రకు డబ్బింగ్ చెప్పింది ఎవరో తెలుసా?

గతంలో దేవర సినిమాలో జాన్వీ కపూర్ పాత్రకు ఆర్జే శ్వేత డబ్బింగ్ చెప్పగా ఇప్పుడు పెద్ది సినిమాలో జాన్వీ కపూర్ పాత్రకు సింగర్ సమీరా భరద్వాజ్ డబ్బింగ్ చెప్పింది. ఈ విషయాన్ని సమీరా స్వయంగా తన సోషల్ మీడియా ద్వారా తెలిపింది. సోషల్ మీడియాలో పెద్ది డబ్బింగ్ ఫొటోలు షేర్ చేసి.. జాన్వి కపూర్ గారికి డబ్బింగ్ చెప్పినందుకు చాలా చాలా ఆనందంగా ఉంది. ఇలాంటి అద్భుతమైన సినిమా పెద్దిలో నన్ను భాగం చేసినందుకు ధన్యవాదాలు అని తెలిపింది.

Also Read : Janhvi Kapoor : ‘పెద్ది’లో జాన్వీ కపూర్ పాత్రపై విమర్శలు.. కేవలం ఎక్స్‌పోజింగ్ కి మాత్రమే వాడారంటూ..

సింగర్ గా మంచి ఫేమ్ తెచ్చుకున్న సమీరా భరద్వాజ్ సోషల్ మీడియాలో రీల్స్ తో బాగా పాపులర్ అయింది. దీంతో టీవీ షోలు, సినిమాల్లో నటిగా అవకాశాలు కూడా అందుకుంటుంది. ఇటీవల పలు టీవీ షోలలో రెగ్యులర్ గా కనిపిస్తూ ఫుల్ ఎంటర్టైన్మెంట్స్ ఇస్తుంది సమీరా భరద్వాజ్. ఇప్పుడు పెద్ది సినిమాలో జాన్వీ పాత్రకు విజయనగరం యాసలో డబ్బింగ్ చెప్పి అలరించింది.