Raja Saab : ‘రాజాసాబ్’ పార్ట్ 2 కూడా ఉంది.. సినిమా వాయిదా.. లెంగ్త్ ఎంతంటే.. ప్రభాస్ సినిమా గురించి నిర్మాత కామెంట్స్..
తాజాగా నిర్మాత విశ్వప్రసాద్ ఓ యూట్యూబ్ ఛానల్ కి ఇచ్చిన ఇంటర్వ్యూలో రాజాసాబ్ సినిమా గురించి పలు ఆసక్తికర విషయాలు తెలిపారు.
- Published By: 10TV Digital Team ,Published On : August 6, 2025 / 11:59 AM IST
rajasaab
Raja Saab : ప్రభాస్ ప్రస్తుతం రాజాసాబ్ సినిమా చేస్తున్న సంగతి తెలిసిందే. ఈ సినిమా షూటింగ్ చివరి దశలో ఉంది. ఇప్పటికే ఈ సినిమా నుంచి గ్లింప్స్ రిలీజయి మంచి అంచనాలు నెలకొన్నాయి. ప్రభాస్ మొదటిసారి హారర్ కామెడీ చేస్తుండటంతో ఆసక్తి నెలకొంది. అయితే రాజాసాబ్ సినిమాని డిసెంబర్ 5 రిలీజ్ చేస్తారని గతంలో అనౌన్స్ చేసారు. ఇటీవల ఈ సినిమా వాయిదా పడుతుందని వార్తలు వచ్చాయి.
తాజాగా నిర్మాత విశ్వప్రసాద్ ఓ యూట్యూబ్ ఛానల్ కి ఇచ్చిన ఇంటర్వ్యూలో రాజాసాబ్ సినిమా గురించి పలు ఆసక్తికర విషయాలు తెలిపారు.
నిర్మాత విశ్వ ప్రసాద్ రాజాసాబ్ గురించి మాట్లాడుతూ.. రాజాసాబ్ పార్ట్ 2 కూడా ఉంటుంది. కానీ పార్ట్ 1 కి కొనసాగింపు కాదు. అదే థీమ్, ఎలిమెంట్స్ తో ఫ్రాంచైజ్ లాగా ఇంకో రాజాసాబ్ వస్తుంది. సినిమా షూటింగ్ టాకీ పార్ట్ మొత్తం పూర్తయింది. సాంగ్స్ షూటింగ్ బ్యాలెన్స్ ఉంది. అక్టోబర్ లో షూటింగ్ మొత్తం పూర్తవుతుంది. సినిమా నిడివి 3 గంటల దాకా వచ్చేలా ఉంది. దాన్ని దర్శకుడు మారుతి 2 గంటల 45 నిమిషాలకు కుదించే పనిలో ఉన్నాడు అని తెలిపారు.
ఇక రిలీజ్ డేట్ గురించి మాట్లాడుతూ.. బిజినెస్ సర్కిల్స్ లో జనవరి 9న రిలీజ్ చేయమని అడుగుతున్నారు. హిందీ వాళ్ళు మాత్రం డిసెంబర్ 5 సినిమాలు ఏం లేవు అక్కడ అని అప్పుడే రిలీజ్ చేయమంటున్నారు. ఫ్యాన్స్ కూడా సంక్రాంతికే రిలీజ్ చేయమని అడుగుతున్నారు. త్వరలో దీనిపై ఫైనల్ డెసిషన్ తీసుకుంటాము అని తెలిపారు.
దీంతో కచ్చితంగా రాజాసాబ్ సినిమా సంక్రాంతికి వస్తుందని ఫిక్స్ అవుతున్నారు ఫ్యాన్స్. డిసెంబర్ 5 కి బాలయ్య అఖండ 2 ప్లాన్ చేస్తున్నారు.
