Project Hail Mary: బాక్సాఫీస్ వద్ద ‘ప్రాజెక్ట్ హెయిల్ మేరీ’ సునామీ.. 10 రోజుల్లోనే రూ.2500 కోట్ల వసూళ్లు

'Project Hair Mary' getting Huge Collections in India

• ఇండియాలో హాలీవుడ్ మూవీ సెన్సేషన్
• ఇంటర్‌స్టెల్లార్’, ‘డ్యూన్ 2’ రికార్డులు బద్దలు
• ‘ప్రాజెక్ట్ హెయిల్ మేరీ’ క్రేజ్ నెక్స్ట్ లెవల్

Project Hail Mary: హాలీవుడ్ లేటెస్ట్ సైన్స్ ఫిక్షన్ విజువల్ వండర్ ‘ప్రాజెక్ట్ హెయిల్ మేరీ(Project Hail Mary)’ మూవీ బాక్సాఫీస్ వద్ద కలెక్షన్ల సునామీ సృష్టిస్తోంది. అద్భుతమైన మౌత్ టాక్‌తో దూసుకుపోతున్న ఈ చిత్రం, విడుదలైన కేవలం పది రోజుల్లోనే ప్రపంచవ్యాప్తంగా $300 మిలియన్ల (సుమారు రూ. 2500 కోట్లు) మార్కును దాటి రికార్డు సృష్టించింది. అంతర్జాతీయంగానే కాకుండా ఇండియాలోనూ ఈ సినిమాకు ప్రేక్షకులు బ్రహ్మరథం పడుతున్నారు.

SKN: ’నోటి ** తగ్గించుకో..‘ ‘పెద్ది’పై SKN కామెంట్స్.. క్షమాపణలు చెప్పిన నిర్మాత

మార్చి 26న విడుదలైన ఈ సినిమా ఫస్ట్ వీకెండ్ ముగిసే సమయానికి ఇండియాలో ఏకంగా రూ.17.28 కోట్ల గ్రాస్ వసూళ్లను సాధించి రికార్డ్ క్రియేట్ చేసింది. ముఖ్యంగా ఐమాక్స్ (IMAX), 4DX వంటి ప్రీమియం ఫార్మాట్లలో ఈ సినిమాను చూసేందుకు జనం ఎగబడుతున్నారు. తెల్లవారుజామున 3:45 గంటలకే షోలు పడుతున్నా క్షణాల్లో హౌస్‌ఫుల్ అవుతుండటం చూస్తుంటే ఈ సినిమా క్రేజ్‌ ఏంటో అర్థమవుతోంది. గతంలో వచ్చిన భారీ చిత్రాలైన ‘ఇంటర్‌స్టెల్లార్’ కంటే 53 శాతం, ‘డ్యూన్ 2’ కంటే 35 శాతం ఎక్కువ వసూళ్లను రాబడుతూ ఇండియాలో కొత్త రికార్డులను తిరగరాస్తోంది.

2025లో వచ్చిన ‘అవతార్: ఫైర్ అండ్ యాష్’ తర్వాత మన ప్రేక్షకులను ఈ స్థాయిలో మెప్పించిన అంతర్జాతీయ చిత్రం ఇదే కావడం విశేషం. ఫిల్ లార్డ్, క్రిస్టోఫర్ మిల్లర్ దర్శకత్వంలో తెరకెక్కిన ఈ సినిమాలో హాలీవుడ్ స్టార్ ర్యాన్ గాస్లింగ్ ప్రధాన పాత్ర పోషించారు. గతం మర్చిపోయిన ఒక వ్యోమగామి అంతరిక్షంలో ఒంటరిగా మేల్కొని, మానవాళిని రక్షించేందుకు చేసే సాహసోపేతమైన పోరాటమే ఈ చిత్ర కథాంశం. ప్రస్తుతం తెలుగు, హిందీ, తమిళ, ఇంగ్లీష్ భాషల్లో అందుబాటులో ఉన్న ఈ సినిమా వీకెండ్‌లో అదిరిపోయే వసూళ్లతో ట్రేడ్ వర్గాలను విస్మయానికి గురిచేస్తోంది. సైన్స్ ఫిక్షన్ ప్రియులకు ఈ సినిమా ఒక మర్చిపోలేని అనుభూతిని మిగిలిస్తోంది.