Malavika Mohanan: ఆ క్షణాలు చాలా మధురం.. ప్రభాస్ హీరోయిన్ క్రేజీ కామెంట్స్.. ఫ్లోలో రాజాసాబ్ అప్డేట్ కూడా ఇచ్చేసిందిగా!

Raja Saab beauty Malavika made crazy comments on Prabhas

Malavika Mohanan: పాన్ ఇండియా స్టార్ ప్రభాస్ ప్రస్తుతం ఫుల్ స్పీడ్ లో ఉన్నాడు. ఒకటి కాదు రెండు కాదు ఏకంగా మూడు నాలుగు సినిమాలను ఒకేసారి లైన్లో పెట్టి వరుసగా షూటింగ్స్ చేస్తున్నాడు. అందులో రాజా సాబ్ ఒకటి. నిజానికి ఈ సినిమా ప్రభాస్ కెరీర్ లో చాలా ప్రత్యేకం. ఎందుకంటే ప్రభాస్ తన కెరీర్ లో ఫస్ట్ టైం హారర్ అండ్ కామెడీ బ్యాక్డ్రాప్ లో సినిమా చేస్తున్నాడు. అందుకే ఈ సినిమా కోసం ప్రభాస్ ఫ్యాన్స్ ఈగర్ గా వెయిట్ చేస్తున్నారు. ఇప్పటికే ఈ సినిమా నుంచి విడుదలైన పోస్టర్స్, టీజర్స్ సినిమాపై అంచనాలను పెంచేశాయి. అన్ని కార్యక్రమాలను పూర్తి చేసుకొని డిసెంబర్ 5న విడుదలకు సిద్ధం అవుతుంది ఈ సినిమా.

Lavanya Tripathi: తల్లైన తరువాత విడుదలైన మొదటి సినిమా.. తనల్ మూవీపై లావణ్య రియాక్షన్

ఇదిలా ఉంటే రాజా సాబ్ సినిమా గురించి, ప్రభాస్ గురించి ఇంటరెస్టింగ్ విషయాలు చెప్పుకొచింది మలయాళ బ్యూటీ మాళవిక మోహనన్(Malavika Mohanan). ఈ సినిమాలో ఆమె ప్రభాస్ సరసన నటిస్తోంది. ఆ అవకాశం రావడం చాలా ఆనందంగా భావిస్తోందట. ఇంకా ఆమె మాట్లాడుతూ.. ప్రభాస్ చాలా అద్భుతమైన వ్యక్తి. వయసులో ఆయన నాకంటే పెద్దవాడు. కానీ, ఆయన్ని చూసినప్పుడు అలా అనిపించదు. సైలెంట్ గా ఉంటారు. ఈ సినిమా కోసం ఆయనతో కలిసి పనిచేయడం మధురంగా అనిపించింది. అలాగే, రాజాసాబ్ సినిమాలో మా ప్రయాణం అందంగా ఉంటుంది. సినిమా కూడా పూర్తయ్యింది. కొన్ని పాటలను చిత్రీకరించాల్సి ఉంది. అంటూ చెప్పుకొచ్చింది ఈ బ్యూటీ. ప్రస్తుతం మాళవిక చేసిన ఈ కామెంట్స్ సోషల్ మీడియాలో వైరల్ అవుతున్నాయి.

ఇక రాజా సాబ్ సినిమా విషయానికి వస్తే.. ఈ సినిమాను దర్శకుడు మారుతీ తెరకెక్కిస్తున్నారు. పీపుల్ మీడియా ఫ్యాక్టరీ తెరకెక్కిస్తున్న ఈ సినిమాలో మాళవిక పాటు నిధి అగర్వాల్, రద్దీ కుమార్ కూడా హీరోయిన్స్ గా నటిస్తున్నారు. తమన్ సంగీతం అందిస్తున్న ఈ సినిమా నుంచి ఫస్ట్ సాంగ్ ప్రభాస్ బర్త్ డే సందర్భంగా రానుంది అనే వార్తలు వినిపిస్తున్నాయి. కానీ, మేకర్స్ నుంచి ఎలాంటి అధికారిక ప్రకటన రాలేదు.