Saranga Dariya: కొద్ది రోజులుగా శేఖర్ కమ్ముల డైరక్ట్ చేసిన లవ్ స్టోరీ సినిమాలో పాట సారంగ దరియా నాదేనంటూ అనే సింగర్ వాదిస్తూ వచ్చింది. తానే సేకరించానంటూ క్రెడిట్ తనకు దక్కాలంటూ చెప్పింది. దీనిపై సినిమా డైరక్టర్ నేరుగా స్పందించారు. ట్విట్టర్ అకౌంట్ ద్వారా సుస్పష్టంగా వివరించారు. దీనిపై కోమలి కూడా రెస్పాండ్ అయింది.
శేఖర్ కమ్ముల సార్ రెస్పాండ్ అయ్యారంటే నాకు తర్వాతి సినిమాలో అవకాశం ఇచ్చినట్లుగానే భావిస్తున్నా. ఆ పాట గొప్పదనం అలాంటిది. మట్టి వాసనను అందరికీ పరిచయం చేసింది. ఓ ఆడబిడ్డ ఆవేదనను గమనించి ఆదరించిన అశోక్ తేజ గారికి, డైరక్టర్ శేఖర్ కు అందరికీ థ్యాంక్స్ అని చెప్పింది. ఆయన ఫోన్ కోసం ఎదురుచూస్తున్నా అంటోంది.
అసలు శేఖర్ కమ్ముల ట్వీట్ లో ఏముందంటే..
చాలా ఏళ్ల కిందట రేలా రే రేలా ప్రోగ్రాంలో శిరీషా అనే అమ్మాయి సారంగదరియా పాట పాడింది. ఆ పాట నాకు అలా గుర్తుండిపోయింది. ఆ పాట ఎంత నచ్చింది అంటే అంత నచ్చింది. ఈ ఫిల్మ్ విజువలైజ్ చేస్తున్నప్పుడు ఈ పాట నా మైండ్ లో తిరుగుతూనే ఉంది.
నా ఫస్ట్ ఫిల్మ్ డాలర్ డ్రీమ్స్ లో లక్కీ అలి పాట ఉంటుంది. ఆ పాటని ఫిల్మ్ లో యూజ్ చేసినందుకు సోనీ కంపెనీకి నేను పే చేశా. ఫిల్మ్స్‌లో క్రెడిట్ కూడా ఇచ్చా. తర్వాత తీసిన ఆనంద్ లో లక్కి అలితో పాడించుకున్నా కూడా. ఆనంద్ ఫిల్మ్ లో సుబ్బలక్ష్మి గారి పాట నుంచి ఫిదా సినిమాలోని మల్లీశ్వరి అప్పగింతల పాట వరకూ స్టోరీ రాస్తున్నప్పుడు నాకు ఒక్కో సినిమా తిరుగుతుంటుంది. లవ్ స్టోరీ ఫిల్మ్ కి నా మనసులో ఈ పాట ఉంది.
సుద్దాల గారిని కలిశాను. ఈ పాటని ఫిల్మ్ కి అనుకూలంగా రాయలని చెప్పాను. ఈ పాట పల్లవి తీస్కొని చరణాలు రాశారు. ఆ పాటకి అంత బాగా లిరిక్స్ రాసినందుకు చాలా హ్యాపీ అయిపోయా. మా టీంలో ఏడీ ఒకరు శిరీషా నెంబర్ సంపాదించి ఆమెని కాంటాక్ట్ చేశారు.
ఆమెకి అప్పటికీ డెలివరీ టైం అంటే మేం ఇక సరే అనుకున్నాం. కరోనా వల్ల ఫిల్మ్ ఆగి , మళ్లీ స్టార్ట్ అయింది. న్యూ బోర్న్ బేబీతో ఉన్న శిరీషాను ఇబ్బంది పెట్టాలి అనిపించలేదు.
ఈ పాటని నవంబర్లో షూట్ చేశాం. అది కూడా ట్రాక్ సింగర్ పాడిన వెర్షన్ తోనే. ఫిబ్రవరి ఆఖరులో మంగ్లీతో పాడించాం, ప్రొమో రిలీజ్ అయ్యాక సుద్దాల గారు ఫోన్ చేశఆరు. ఇద్దరు సింగర్స్ ఆ పాట మేమే పాడాలి అంటున్నారని అని ఇద్దరు నెంబర్లు ఇచ్చారు. మా టీంలో a.d ఆ ఇద్దరితో మాట్లాడారు. నేను వెంటనే సుద్దాల గారి ఇంటికి వెళ్లాను.
.
‘ఈలోగా ఆయన వివరాలు సేకరించి, ఆ ఇద్దరిలో కోమలే ఆ పాటని వెలికితీసుకొచ్చింది. ఆమెతో పాడిద్దాం. అని సుద్దాల గారు అన్నారు. నా ముందే ఆయన కోమలకి ఫోన్ చేశారు. పాట రిలీజ్ చేస్తాం అని అనౌన్స్ చేశాం. కాబట్టి కోమలని వెంటనే రమ్మని అడిగాం. వరంగల్ నుంచి రావడానికి ఏర్పాటు చేస్తాం అన్నాం. మ్యూజిక్ డైరక్టర్ ని చెన్నయ్ నుంచి రప్పించాం.
జలుబు ఉంది రాలేనంది కోమల. పాట అనౌన్స్ చేశాం కాబట్టి మా ఇబ్బంది చెప్పాం. తనకి క్రెడిట్ ఇస్తే.. అభ్యంతరం లేదు అంది. జెన్యూన్ కేస్ సర్, క్రెడిట్ తో పాటు డబ్బులు కూడా ఇస్తే బాగుంటుందని సుద్దాల గారు అన్నారు. కోమలని అడిగితే మీ ఇష్టం సర్. ఎంత ఇస్తే అంత ఇవ్వండి అంది. కచ్చితంగా ఇస్తామని చెప్పాం.
ఆడియో ఫంక్షన్ లో పాడమని విజిబిలిటీ బాగా ఉంటందని కచ్చితంగా రమ్మని నేనే కోమలకి చెప్పాను. ఆమె సరే అంది.
సుద్దాల గారి ఇంటి నుంచి ఫొన్లో కోమలతో చెప్పినట్టుగానే పాట రిలీజ్ చేసినప్పుడు ఫేస్ బుక్ కోలమ కి థ్యాంక్స్ చెప్పా. మరుగున పడిన జానపద గీతాన్ని వెలికి తీసుకొచ్చిన కోమలకి మేం ప్రామిస్ చేసినట్లు ఫిల్మ్ లో క్రెడిట్ ఇస్తాం. మనీ ఇస్తాం, ఆడియో ఫంక్షన్ ఫిక్స్ అయితే కోమలకి పాడమని ఇన్విటేషన్ పంపిస్తాం.
పోస్ట్ ప్రొడక్షన్స్ పనుల్లో పడి నేను టీవీల్లో జరుగుతున్న చర్చలు ఫాలో కాలేదు. అందుకే ఒకేసారి ఫేస్ బుక్ లో అందరికీ ఇన్ఫర్మేషన్ ఇస్తున్నాను. థ్యాంక్స్ టూ ఆల్. అని సోషల్ మీడియాోల పోస్టు చేశారు శేఖర్ కమ్ముల.
