Mahesh -Sudheer : మహేష్ బాబుకి కాల్ చేసిన సుధీర్ బాబు.. వైరల్ అవుతున్న ఆడియో.. ఏం మట్లాడుకున్నారు అంటే..
హరోంహర ప్రీ రిలీజ్ ఈవెంట్లో సుధీర్ బాబు ఈ సినిమా ప్రమోషన్స్ లో భాగంగా సుధీర్ బాబు మహేష్ బాబుకి కాల్ చేసి మాట్లాడిన ఆడియోని ప్లే చేసారు.
- Published By: 10TV Digital Team ,Published On : June 12, 2024 / 08:12 AM IST
Sudheer Babu Call To Mahesh Babu Audio File goes Viral after HaromHara Pre Release Event
Mahesh Babu -Sudheer Babu : సుధీర్ బాబు, మాళవిక శర్మ జంటగా తెరకెక్కుతున్న సినిమా ‘హరోంహర’. శ్రీ సుబ్రహ్మణ్యేశ్వర సినిమాస్ బ్యానర్ పై సుమంత్ జి నాయుడు నిర్మాణంలో జ్ఞానసాగర్ ద్వారకా దర్శకత్వంలో తెరకెక్కుతున్న హరోంహర సినిమా జూన్ 14న రిలీజ్ కాబోతుంది. ఇప్పటికే ఈ సినిమా నుంచి టీజర్, ట్రైలర్, సాంగ్స్ రిలీజ్ చేసి అంచనాలు పెంచారు. తాజాగా నిన్న రాత్రి సినిమా ప్రీ రిలీజ్ ఈవెంట్ నిర్వహించారు.
హరోంహర ప్రీ రిలీజ్ ఈవెంట్లో సుధీర్ బాబు ఈ సినిమా ప్రమోషన్స్ లో భాగంగా సుధీర్ బాబు మహేష్ బాబుకి కాల్ చేసి మాట్లాడిన ఆడియోని ప్లే చేసారు. ఈ కాల్ లో పలు ఆసక్తికర అంశాల గురించి మాట్లాడారు మహేష్. దీంతో ఈ ఆడియో ఇప్పుడు వైరల్ గా మారింది. ఆ ఆడియో ఫైల్ సుధీర్ బాబు కూడా షేర్ చేసాడు. అయితే ఆ ఆడియోలో సుధీర్ – మహేష్ ఏం మాట్లాడుకున్నారంటే..
Also Read : Renu Desai : ఆ యూట్యూబ్ ఛానల్ కి కౌంటర్ ఇచ్చిన రేణు దేశాయ్.. వాళ్ళని అసలు నమ్మొద్దు అంటూ..
సినిమాలో షూటింగ్, లేదా ట్రైనింగ్ కి సంబందించి గన్స్ తో ఫస్ట్ ఎక్స్ పీరియన్స్ ఏంటి అని సుధీర్ బాబు అడగ్గా.. ఎలాంటి ట్రైనింగ్ తీసుకోలేదు కానీ టక్కరి దొంగ సినిమా సమయంలో మొదటిసారి వాడాను. ఆ షూటింగ్ టైంలో నాన్న గారి మోసగాళ్లకు మోసగాడు సినిమా గుర్తొచ్చింది అని తెలిపారు. అలాగే గన్స్ ని బాగా హ్యాండిల్ చేసే వాళ్లలో మీ ఫేవరేట్ యాక్టర్ ఎవరు అంటే.. నాన్న గారే, మోసగాళ్ళకు మోసగాడు సినిమా వంద సార్లు చూసి ఉంటాను అని తెలిపారు మహేష్.
హరోంహర నుంచి ఇప్పటివరకు వచ్చిన కంటెంట్ లో నీకు నచ్చింది ఏంటి అని సుధీర్ అడగ్గా.. హరోం హర టైటిల్ ట్రాక్ బాగుంది. నువ్వు కొత్తగా కనిపించావు. స్టోరీ బ్యాక్ డ్రాప్ కూడా కొత్తగా ఉంది. ఆడియన్స్ కి నచ్చుతుంది ఈ సినిమా అని తెలిపారు. హరోంహర సినిమాలో సుబ్రహ్మణ్య స్వామి రిఫరెన్స్ ఉంది. అలా మైథాలజీలో మీకు బాగా నచ్చిన క్యారెక్టర్ ఏంటి అని అడగడంతో మహేష్ నా ఫేవరెట్ లార్డ్ హనుమ అని తెలిపారు. అలాగే నిజం సినిమాలో గన్ పట్టుకొని ఒక ఇంటెన్స్ సినిమాలా చేశాను. నాకు అది చాలా ఇష్టం. తేజ గారికి అలాంటి సినిమా ఇచ్చినందుకు థ్యాంక్స్ చెప్పాలి. ఆ రోజుల్లో కొన్ని సీన్స్ చేయడం చాలా కష్టం. ఆ సినిమాని చూసి గర్వపడతాను అని తెలిపారు.
