varun tej doing his next movie with director vikram sirikonda
Varun Tej: మెగా ప్రిన్స్ వరుణ్ తేజ్ చాలా కాలంగా హిట్స్ లేక సతమతమవుతున్నాడు. ఆయన చివరి హిట్ సినిమా గడ్డలకొండ గణేష్. ఈ సినిమా తరువాత వరుజ్ తేజ్ వరుసపెట్టి సినిమాలు చేస్తూ వచ్చాడు. కానీ, వాటిలో ఒక్కటంటే ఒక్క హిట్ కూడా లేదు. దీంతో, చాలా గ్యాప్ తీసుకున్న వరుణ్ తేజ్ దర్శకుడు మేర్లపాక గాంధీని లైన్లో పెట్టాడు. ఈ ఇద్దరి కాంబోలో వస్తున్న మూవీ కొరియన్ కనకరాజు.
Balakrishna- Koratala: ఎన్టీఆర్ ఫ్యాన్స్ కి బ్యాడ్ న్యూస్.. దేవర 2 కాదు.. బాలయ్యతో చేస్తున్నాడు
హారర్ అండ్ కామెడీ ఎంటర్టైనర్ గా వస్తున్న ఈ సినిమా సమ్మర్ లో ప్రేక్షకుల ముందుకు రానుంది. ఇటీవలే వరుణ్ తేజ్(Varun Tej) బర్త్ డే సందర్బంగా కొరియన్ కనకరాజు సినిమా నుంచి టీజర్ విడుదల చేశారు మేకర్స్. చాలా ఇంట్రెస్టింగ్ గా ఉన్న ఈ టీజర్ ఆడియన్స్ కి ఫుల్లుగా నచ్చేసింది. అలాగే, సినిమాపై అంచనాలను కూడా పెంచేసింది. అయితే, ఈ సినిమా తరువాత కూడా చాలా ఆలోచించి సినిమాలు చేస్తున్నాడు వరుణ్ తేజ్.
ఈ నేపధ్యంలోనే తన చెల్లి నిహారికతో ఒక సినిమా చేయాలని ఫిక్స్ అయ్యాడట. అవును, నిహారిక నిర్మాతగా ఉన్న విషయం తెలిసిందే. కమిటీ కుర్రోళ్ళు సినిమాతో బ్లాక్ బస్టర్ అందుకుంది నిహారిక. ఇక ఇప్పుడు అన్నతో సినిమా చేయాలనీ ఫిక్స్ అయ్యిందట. ఈ సినిమాను దర్శకుడు విక్రమ్ సిరికొండ తెరకెక్కిస్తాడని తెలుస్తోంది. విక్రమ్ సిరికొండ గతంలో రవి తేజతో టచ్ చేసి చూడు అనే సినిమా చేశాడు. ఆ సినిమా డిజాస్టర్ అయ్యింది. ఇప్పుడు చాలా కాలం తరువాత వరుణ్ తేజ్ తో సినిమా చేస్తున్నాడు. మరి నిహారిక తన అన్నతో చేస్తున్న సినిమా ఎలాంటి విజయాన్ని సాధిస్తుంది అనేది చూడాలి.
