Venkatesh : చిరుతోనే కాదు.. బాలయ్యతో కూడా వెంకీమామ సినిమా.. ఫ్యాన్స్ కి పండగ..
అమెరికాలో జ‌రిగిన నాట్స్ 2025లో సీనియ‌ర్ హీరో వెంక‌టేశ్ సంద‌డి చేశారు.
- Published By: 10TV Digital Team ,Published On : July 7, 2025 / 11:34 AM IST
Venkatesh reveals his upcoming movie list
అమెరికాలో జ‌రిగిన ‘నాట్స్ 2025’లో సీనియ‌ర్ హీరో వెంక‌టేశ్ సంద‌డి చేశారు. ఈ సంద‌ర్భంగా ఆయ‌న మాట్లాడుతూ.. తాను త‌దుప‌రి చేయ‌బోతున్న సినిమాల లిస్ట్ ను చెప్పి ఫ్యాన్స్‌లో జోష్ నింపాడు. చిరంజీవి, బాల‌య్య సినిమాల్లో న‌టిస్తున్న‌ట్లు వెల్లడించాడు. ప్ర‌స్తుతం ఆయ‌న చెప్పిన విష‌యాలు సోష‌ల్ మీడియాలో వైర‌ల్ అవుతున్నాయి.
అనిల్ రావిపూడి ద‌ర్శ‌క‌త్వంలో చిరంజీవి ఓ చిత్రంలో న‌టిస్తున్నారు. ఇక ఈ సినిమాలో వెంక‌టేశ్ ఓ కీల‌క పాత్ర‌ల్లో న‌టిస్తున్నార‌నే వార్త‌లు వ‌స్తున్న సంగ‌తి తెలిసిందే. ఇప్ప‌టి వ‌ర‌కు దీనిపై ఎలాంటి అధికారిక ప్ర‌క‌ట‌న రాలేదు. అయితే.. తాజాగా వెంకీ మామ ఈ విష‌యాన్ని చెప్పేశారు. తాను పోషించ‌బోయే పాత్ర ఎలా ఉంటుంద‌నే విష‌యాన్ని వెల్ల‌డించారు.
Kantara Chapter 1 : కాంతార ప్రీక్వెల్ రిలీజ్ డేట్ వ‌చ్చేసింది..
వెంకీమామ మాట్లాడుతూ.. త్రివిక్ర‌మ్ ద‌ర్శ‌క‌త్వంలో ఓ సినిమా చేస్తున్నాని చెప్పాడు. అలాగే మెగాస్టార్ చిరంజీవి మూవీలో అతిథి పాత్ర‌లో న‌టిస్తున్నాని, అది చాలా ఫ‌న్నీ ఉంటుంద‌ని, ప్రేక్ష‌కులు చాలా బాగా ఎంజాయ్ చేస్తార‌న్నాడు.
విమర్శకుల ప్రశంసలు పొందిన థ్రిల్లర్ ఫ్రాంచైజీ దృశ్యం 3 గురించి మరో ఉత్తేజకరమైన అప్‌డేట్ ఇచ్చారు. మీనాతో క‌లిసి దృశ్యం 3లో న‌టిస్తున్న‌ట్లు వెంకీమామ చెప్పాడు. త‌న‌కు మంచి విజ‌యాల‌ను అందించిన అనిల్ రావిపూడితో మరో సినిమా చేయ‌నున్న‌ట్లు వెల్లడించాడు . ఇటీవ‌ల వీరిద్ద‌రి కాంబినేష‌న్‌లో వ‌చ్చి భారీ హిట్ కొట్టిన సంక్రాంతికి వ‌స్తున్నాం మూవీకి సీక్వెల్ ఉంటుంద‌ని చెప్పాడు. ఇక వీటి అన్నింటితో పాటు మరో భారీ ప్రాజెక్టులో త‌న స్నేహితుడు బాలయ్యతో క‌లిసి న‌టిస్తున్న‌ట్లు చెప్పారు.
