Vidaamuyarchi release postponed is it advantage to Game Changer Movie
సినీ ఇండ‌స్ట్రీ ఏదైన కానివ్వండి సంక్రాంతి పండుగ వ‌చ్చింది అంటే చాలు పెద్ద సినిమాల హ‌డావుడీ ఉంటుంది. పండుగ‌కు స్టార్ హీరోల సినిమాలు విడుద‌లైతే అభిమానుల ఆనందం రెట్టింపు అవుతుంది. తెలుగులో ఈ ఏడాది సంక్రాంతికి రామ్‌చ‌ర‌ణ్ న‌టించిన ‘గేమ్ ఛేంజ‌ర్’, బాల‌య్య న‌టించిన ‘డాకు మహారాజ్‌’, విక్ట‌రీ వెంక‌టేష్ న‌టించిన ‘సంక్రాంతికి వ‌స్తున్నాం’ చిత్రాలు విడుద‌ల అవుతున్నాయి. ఇక త‌మిళంలో స్టార్ హీరో అజిత్ ‘విదాముయార్చి’ విడుద‌ల కావాల్సి ఉంది. అయితే.. అనూహ్యంగా అజిత్ సంక్రాంతి రేసు నుంచి త‌ప్పుకున్నాడు.
మాగిజ్‌ తిరుమేని దర్శకత్వంలో ఈ చిత్రం తెర‌కెక్కుతోంది. త్రిష క‌థానాయిక. లైకా ప్రొడక్షన్స్‌ సంస్థ ఈ చిత్రాన్ని నిర్మిస్తోంది. అర్జున్, రెజీనా కీల‌క పాత్ర‌ల‌ను పోషిస్తున్నారు. ఈ చిత్రాన్ని సంక్రాంతికి విడుద‌ల చేయ‌నున్న‌ట్లు గ‌తంలో ప్ర‌క‌టించారు.
అయితే.. తాజాగా ఈ చిత్రాన్ని వాయిదా వేశారు. కొన్ని అనుకోని కార‌ణాల వ‌ల్ల విదాముయార్చిని వాయిదా సంక్రాంతికి విడుద‌ల చేయ‌లేక‌పోతున్నాం. త్వ‌ర‌లోనే కొత్త విడుద‌ల తేదీని తెలియ‌జేస్తామ‌ని చిత్ర నిర్మాణ సంస్థ లైకా ప్ర‌క‌టించింది. దీంతో ఫ్యాన్స్ నిరాశ చెందారు.
ఈ ఏడాది సంక్రాంతికి త‌మిళంలో రానున్న ఒకే ఒక పెద్ద సినిమా ఇదే. ఈ చిత్రం వాయిదా ప‌డ‌డంతో ఈ పండుగ‌కు అక్క‌డ పెద్ద సినిమా లేన‌ట్లే. అయితే.. ఇది గేమ్‌ఛేంజ‌ర్ మూవీకి క‌లిసి వ‌చ్చే ఛాన్స్ ఉంది. గేమ్ ఛేంజ‌ర్ మూవీ తెలుగుతో పాటు త‌మిళం, క‌న్న‌డ, మ‌ల‌యాళ భాష‌ల్లో ప్రేక్ష‌కుల ముందుకు రానుంది. ఈ చిత్రానికి త‌మిళ ద‌ర్శ‌కుడు శంక‌ర్ ద‌ర్శ‌క‌త్వం వ‌హించారు. త‌మిళ స్టార్ న‌టుడు ఎస్‌జే సూర్య కీల‌క పాత్ర‌ను పోషించడంతో ఈ చిత్రానికి అక్క‌డ మంచి బ‌జ్ నెల‌కొంది.
Wishing everyone a Happy New Year 2025! 😇✨
Due to unavoidable circumstances, the release of VIDAAMUYARCHI is postponed from PONGAL! Kindly stay tuned for further updates! The wait will be worth it! 🙏🏻#Vidaamuyarchi #HappyNewYear pic.twitter.com/Xxt7sx1AMY
— Lyca Productions (@LycaProductions) December 31, 2024
