VD 12 : డైరెక్టర్ గౌత‌మ్ తిన్న‌నూరి- విజ‌య్ దేవ‌ర‌కొండ సినిమా నుంచి కీల‌క అప్డేట్‌..

Vijay Devarakonda-Gowtham Thinnanuri

Vijay Devarakonda VD 12: ‘లైగ‌ర్’ ఆశించిన విజ‌యాన్ని అందివ్వ‌క‌పోవ‌డంతో రౌడీ బాయ్ విజయ్ దేవరకొండ(Vijay Devarakonda ) సినిమాల‌కు కాస్త గ్యాప్ ఇచ్చాడు. ఆ త‌రువాత వ‌రుస‌గా చిత్రాల‌ను లైన్‌లో పెడుతున్నాడు. స‌మంత హీరోయిన్ న‌టిస్తున్న ‘ఖుషీ’ చిత్రం శ‌ర‌వేగంగా షూటింగ్ జ‌రుపుకుంటుండ‌గా మ‌రో సినిమా షూటింగ్‌ను ప్రారంభించాడు. జెర్సీ(Jersy) సినిమా డైరెక్టర్ గౌత‌మ్ తిన్న‌నూరి(Gowtham Thinnanuri) ద‌ర్శ‌క‌త్వంలో విజ‌య్ దేవ‌ర‌కొండ హీరోగా VD12 వ‌ర్కింగ్ టైటిల్‌తో ఓ సినిమా తెర‌కెక్క‌నుంది.

సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్, శ్రీకర స్టూడియోస్ కలిసి ఈ సినిమాని నిర్మిస్తున్నాయి. ధ‌మాకా ఫేమ్ శ్రీలీల హీరోయిన్ గా న‌టిస్తోంది. రామానాయుడు స్టూడియోలో ఈ సినిమా పూజా కార్య‌క్ర‌మాలు మే 3న జ‌రుగ‌గా..  అప్ప‌టి నుంచి ఈ చిత్రం నుంచి మ‌రో అప్డేట్ లేదు. అయితే.. ఎట్ట‌కేల‌కు ఈ సినిమా నుంచి ఓ అప్డేట్ వ‌చ్చింది. నేటి నుంచి ఈ సినిమా షూటింగ్ ప్రారంభ‌మైంది. ఈ విష‌యాన్ని చిత్ర బృందం ఓ పోస్ట‌ర్ ద్వారా తెలియ‌జేసింది.

VS11 : దాస్ గాడి గ‌ర్ల్‌ఫ్రెండ్‌ను చూశారా..? కోపంగా చూస్తున్న ర‌త్న‌మాల‌.. ఏమై ఉంటుంది..?

ఈ పోస్ట‌ర్‌లో విజ‌య్ గ‌న్ ప‌ట్టుకుని కాల్చ‌డంతో పొగ‌లు రావ‌డాన్ని గ‌మ‌నించ‌వ‌చ్చు. అయితే.. విజ‌య్ ఫేస్‌ను పూర్తిగా రివీల్‌ చేయ‌కుండా జాగ్ర‌త్త ప‌డ్డారు. ప్ర‌స్తుతం ఈ పోస్ట‌ర్ సోష‌ల్ మీడియాలో వైర‌ల్‌గా మారింది. రౌడీ అభిమానులు సంతోషాన్ని వ్య‌క్తం చేస్తున్నారు.

Al Pacino : అత‌డికి 83.. ఆమెకు 29.. నాలుగో సారి తండ్రైన హాలీవుడ్ న‌టుడు.. ఆ చిన్నారికి ఏ పేరు పెట్టారంటే..?

ప్ర‌స్తుతం విజ‌య్ దేవ‌ర‌కొండ చేతిలో మూడు సినిమాలు ఉన్నాయి. అందులో ఒక‌టి శివ నిర్వాణ దర్శకత్వంలో ‘ఖుషి’ సినిమా ఒక‌టి కాగా రెండోది గౌత‌మ్ తిన్న‌నూరి డైరెక్ష‌న్‌లో న‌టించ‌నున్న VD12. ఈ రెండు సినిమాలే కాకుండా ప‌శురాం ద‌ర్శ‌క‌త్వంలో దిల్ రాజ్ నిర్మాణంలో మ‌రో సినిమాలో విజ‌య్ న‌టిస్తున్నాడు. ఈ సినిమా పూజా కార్య‌క్ర‌మాలు బుధ‌వారం (జూన్ 14న‌) జ‌రిగింది. VD13 వ‌ర్కింగ్ టైటిల్‌తో తెర‌కెక్క‌నున్న ఈ సినిమాలో మృణాల్ ఠాకూర్ హీరోయిన్‌గా న‌టిస్తోంది.