Bride and groom’s super dance : పెళ్లి కూతురు అంటే సిగ్గు పడుతూ కూర్చునే రోజులు పోయాయి. ట్రెండ్ మారింది. తల వంచుకుని అడుగులోఅడుగు వేసుకుంటూ..ముత్తయిదువలు తీసుకొస్తుంటే సిగ్గులొలుకుతూ వచ్చి పెళ్లి పీటలమీద కూర్చునేది వధువు. కానీ ఇప్పుడలా కాదు సంగీత్ లో స్టెప్పులతో ఇరగదీస్తున్నారు పెళ్లికూతుళ్లు. అలా ఓ పెళ్లిలో అందరూ సందడి సందడిగా డ్యాన్స్ చేస్తుంటే వరుడు బిక్కముఖం వేసుకుని అటూ ఇటూ చూస్తున్నాడు. పోనీ ఏదైనా సరదగా..సరసాలాడుకుందామంటే వధువు దూరంగా నిలబడి ఉంది.
పెళ్లికి వచ్చినవారంతా పాటలకు డ్యాన్సులు వేస్తున్నారు. ఈ క్రమంలో డ్యాన్స్ వేస్తున్న ఓయువతి పక్కనే నిలబడిన వధువును చేయి పట్టి తీసుకొచ్చి డ్యాన్స్ వేయమంది. అంతే అప్పటి వరకూ ఓ పక్కన కుదురుగా నిలబడి వధువు డ్యాన్స్ వేయటం స్టార్ట్ చేసింది. వరుడు కూడా జత కలవటంతో ఇద్దరూ చక్కగా డ్యాన్స్ ఇరగదీశారు. తేరి అఖ్యా కా యో కాజల్. దుల్హా దుల్హాన్ కా యో కాజల్ పాటకు వధూవరులిద్దరూ డ్యాన్స్ ఇరగదీశారు.
ఈ వీడియో సోషల్ మీడియాలో వైరల్ గా మారింది. వధువు ఎర్రటి లెహంగా వేసుకుని తలపై ముసుగుతో చక్కగా స్టెప్పులు వేస్తుంటే జత కలిసిన వరుడు ఉత్సాహంగా స్టెప్పులేసిన వీడియో తెగ వైరల్ అవుతోంది.
