Honeymoon On Rails: రైలులో రాయల్ హనీమూన్.. ఇది కదిలే ఫైవ్-స్టార్ ప్యాలెస్.. కొత్త జంటల కోసం క్రేజీ ప్యాకేజీలు

Honeymoons on the Rails The Most Romantic Luxury Train Suites in India

• రాయల్ రైలులో హనీమూన్
• విలాసవంతమైన ఫైవ్-స్టార్ సేవలు
• జీవితకాలపు మధుర జ్ఞాపకం

Honeymoon On Rails: పెళ్ళైన కొత్త జంటలు హనీమూన్ అనగానే ఏ ఊటీనో, కొడైకెనాల్ లేదా విదేశాలకు వెళ్లాలని ప్లాన్ చేసుకుంటారు. ఆ ప్రయాణం తమ జీవితంలో మరపురాని అనుభూతిగా మిగిలిపోవాలని కోరుకుంటారు. కానీ, ఆ హనీమూన్ అనేది నిజంగా ప్రయాణంలోనే జరిగితే ఎలా ఉంటుంది. ఊహించుకోవడానికే సరికొత్తగా ఉంది కదా, అదే రైళ్లలో హనీమూన్ ప్రయాణం.. వినడానికి కొత్తగా ఉన్నా, ఈ మధ్య కాలంలో ఇది చాలా వైరల్ అవుతోంది. భారతదేశపు రాయల్ లగ్జరీ రైళ్లలో హనీమూన్ ప్రయాణం సరికొత్త అనుభూతిని ఇస్తుంది. కదిలే ఫైవ్ స్టార్ ప్యాలెస్‌లాంటి ఈ రైళ్లలో ప్రైవేట్ క్యాబిన్లు, వ్యక్తిగత బట్లర్ సేవలు, ఫైవ్-స్టార్ డైనింగ్ అందుబాటులో ఉంటాయి.

Polavaram Project: గోదావరి ఉగ్రరూపం.. పోలవరం పనులకు బ్రేక్.. కొట్టుకుపోయిన భారీ ఐరన్ పైపులు

తాజ్ మహల్ అందాల నుండి రాజస్థాన్ కోటల వరకు సాగే ఈ విలాసవంతమైన జర్నీ, కొత్త జంటలకు జీవితకాలపు మధుర జ్ఞాపకంగా మిగిలిపోతుంది.
రైలు ప్రయాణంలో హనీమూన్(Honeymoon On Rails) అనేది కేవలం ఒక ప్రయాణం మాత్రమే కాదు.. అది మీతో పాటు ప్రయాణించే ఒక ఫైవ్-స్టార్ బొటిక్ హోటల్. అక్టోబర్ నుండి మార్చి మధ్య కాలం ఈ రాయల్ జర్నీకి అత్యంత అనుకూలమైనది చెప్పుకోవచ్చు. అందుకే, ఈ ప్రయాణం చేయడానికి చాలా మంది ఇంట్రెస్ట్ చూపిస్తున్నారు. ఈ హనీమూన్ జంటల కోసం నాలుగు ప్రధాన లగ్జరీ రైళ్లు అందుబాటులో ఉన్నాయి:

* మహారాజాస్ ఎక్స్‌ప్రెస్ (Maharajas Express): ఇది భారతదేశపు అత్యంత విలాసవంతమైన ఫ్లాగ్‌షిప్ రైలు. అధునాతన క్యాబిన్లు, అత్యుత్తమ సేవలు దీని ప్రత్యేకత.

* ప్యాలెస్ ఆన్ వీల్స్ (Palace on Wheels): రాజస్థానీ రాజసం, వారసత్వ వైభవంతో సాగే క్లాసిక్ 7-రాత్రుల ప్రయాణం.

* డెక్కన్ ఒడిస్సీ (Deccan Odyssey): వన్యప్రాణులు, అజంతా-ఎల్లోరా గుహలు, వైన్‌యార్డ్‌ల వంటి విభిన్న మార్గాలను అన్వేషించడానికి ఇది సరైన ప్రయాణంగా చెప్పుకోవచ్చు.

* గోల్డెన్ చారియట్ (Golden Chariot): మైసూరు కోటలు, హంపి శిథిలాలు, కేరళ బ్యాక్‌వాటర్స్ వంటి దక్షిణాది అందాలను ఈ ప్రయాణంలో చూసేయచ్చు.

విలాసవంతమైన అనుభవాలు & సేవలు:

ఈ రైళ్లలో ప్రయాణమంటే ప్రతిరోజూ ఉదయం కొత్త ల్యాండ్‌స్కేప్‌తో మేల్కొనడం అనే చెప్పాలి. ప్రైవేట్ ఏసీ క్యాబిన్లు, అటాచ్డ్ బాత్రూమ్‌లు, వ్యక్తిగత బట్లర్ సేవలు ఇక్కడ లభిస్తాయి. ప్రతిరోజూ ఉదయం బోర్డుపై అల్పాహారం, చిన్న సమూహాలతో గైడెడ్ సైట్‌సీయింగ్, మధ్యాహ్నం విశ్రాంతి, రాత్రి వేళల్లో లైవ్ మ్యూజిక్‌తో కూడిన మల్టీ-కోర్స్ డిన్నర్ వంటివి ఒక లగ్జరీ క్రూయిజ్ అనుభూతిని ఇస్తాయి.

ప్లానింగ్, బుకింగ్:

ఇండియన్ లగ్జరీ ట్రైన్స్ (ILT) మీ బడ్జెట్, తేదీలకు అనుగుణంగా పూర్తి హనీమూన్ ప్లాన్‌ను సిద్ధం చేస్తుంది. పీక్ సీజన్ కోసం 9 నుండి 12 నెలల ముందే బుక్ చేసుకోవడం మంచిది. రైలు ప్రయాణానికి ముందు, తర్వాత ఢిల్లీ, ముంబై లేదా బెంగళూరు వంటి నగరాల్లో ఫైవ్ స్టార్ హోటళ్లలో బసను కూడా వీరు ఏర్పాటు చేస్తారు. రద్దీ లేని, ప్రశాంతమైన, రాయల్ హనీమూన్ కోరుకునే జంటలకు ఇది జీవితకాలపు మధుర జ్ఞాపకంగా చెప్పుకోవచ్చు. మరి లేట్ ఎందుకు మీరు కూడా ఈ ప్రయాణం కోసం సిద్ధం అవ్వండి.