Jantar Mantar Protest: జంతర్ మంతర్ లో హైటెన్షన్.. మమత, కేజ్రీవాల్ అరెస్ట్.. ఢిల్లీలో ఊహించని రాజకీయ ఉద్రిక్తత

దేశ రాజధాని ఢిల్లీలో కాక్‌రోచ్ జనతా పార్టీ (Jantar Mantar Protest) తలపెట్టిన నిరసన కార్యక్రమం తీవ్ర రాజకీయ ఉద్రిక్తతలకు దారితీసింది.

Mamata Banerjee, Arvind Kejriwal, and Pinarayi Vijayan arrested at Jantar Mantar protest.

Jantar Mantar Protest: దేశ రాజధాని ఢిల్లీలో కాక్‌రోచ్ జనతా పార్టీ (CJP) తలపెట్టిన నిరసన కార్యక్రమం తీవ్ర రాజకీయ ఉద్రిక్తతలకు దారితీసింది. ఈ ఆందోళనకు మద్దతు తెలిపేందుకు భారీ సంఖ్యలో తరలివెళ్తున్న విపక్ష దిగ్గజాలు, ప్రతిపక్ష నేతలను ఢిల్లీ పోలీసులు శనివారం ఎక్కడికక్కడ అదుపులోకి తీసుకోవడం కలకలం రేపింది. పశ్చిమ బెంగాల్ ముఖ్యమంత్రి మమతా బెనర్జీ, ఢిల్లీ మాజీ సీఎం అరవింద్ కేజ్రీవాల్, కేరళ మాజీ సీఎం పినరయి విజయన్‌లతో పాటు పలువురు ఎంపీలు, విద్యార్థి నాయకులను పోలీసులు ముందస్తుగా అరెస్టు (Jantar Mantar Protest)చేసి స్టేడియంలకు తరలించారు.

Abhijeet Dipke: సీజేపీ అధినేత అభిజీత్ దిప్కే ఇంట తీవ్ర విషాదం

బస్టాప్‌లో మమతా బెనర్జీ నిరసన.. కేజ్రీవాల్, విజయన్ కూడా నిర్బంధం:

సెంట్రల్ ఢిల్లీలోని సౌత్ అవెన్యూ ప్రాంతానికి చేరుకున్న మమతా బెనర్జీని పోలీసులు ముందుకు వెళ్లకుండా అడ్డుకోవడంతో, ఆమె అక్కడే బస్టాప్‌లో బైఠాయించి నిరసన తెలిపారు. ఆమెతో పాటు టీఎంసీ ఎంపీలు డెరెక్ ఓబ్రియిన్, దోల్ సేన్‌లను బలవంతంగా అదుపులోకి తీసుకుని బస్సులో తరలించారు. ప్రభుత్వం ప్రజాస్వామ్య గొంతుకను నొక్కేస్తోందని, ఇండియా కూటమి తన పోరాటాన్ని ఆపేది లేదని మమత మండిపడ్డారు. మరోవైపు ఆప్ చీఫ్ అరవింద్ కేజ్రీవాల్‌ను ఆయన నివాసం వెలుపల నుంచే పోలీసులు అడ్డుకోగా, కేరళ మాజీ సీఎం పినరయి విజయన్, సీపీఎం నేత జాన్ బ్రిట్టాస్‌లను అరెస్టు చేసి ఛత్రసాల్ స్టేడియం డిటెన్షన్ సెంటర్‌కు తరలించారు.

ప్రజాస్వామ్య హక్కుల హరణం.. కొనసాగుతున్న ఇండియా కూటమి పోరాటం:

ప్రతిపక్ష నేతల గొంతును అణచివేసేందుకు కేంద్ర ప్రభుత్వం పోలీసు బలగాలను దుర్వినియోగం చేస్తోందని విపక్షాలు తీవ్ర ఆగ్రహం వ్యక్తం చేశాయి. ఎన్ని నిర్బంధాలు ఎదురైనా రాజ్యాంగ హక్కుల పరిరక్షణ కోసం తమ పోరాటం ఆగదని స్పష్టం చేశాయి. జంతర్ మంతర్ వద్ద ఉద్రిక్త వాతావరణం నెలకొనడంతో భారీగా పోలీసులను మోహరించారు.