Monkey Funeral Feast: కోతి అంత్యక్రియల భోజనానికి 1500మంది, ఇద్దరి అరెస్టు

Monkey Funeral

Monkey Funeral Feast: కోతి అంత్యక్రియలకు హాజరైన ఇద్దరు వ్యక్తులను అరెస్టు చేశారు పోలీసులు. మధ్యప్రదేశ్ రాజ్‌ఘడ్ జిల్లాలోని దలుపురా గ్రామంలో డిసెంబర్ 29న కోతి అంత్యక్రియలు నిర్వహించారు. పాడెపై కోతి శవాన్ని ఉంచి ఊరేగింపుగా తీసుకువచ్చి కొరివి పెట్టార. ఆ కార్యం పూర్తి చేసిన ఓ వ్యక్తి హిందూ సంప్రదాయం ప్రకారం.. గుండు గీయించుకున్నాడు.

నిజానికి ఆ కోతి గ్రామంలో ఎవ్వరికీ పెంపుడు జంతువు కాదు. అప్పుడప్పుడు ఆ ఊరికి వస్తుండేది. దేశంలోని పలు చోట్ల కోతిని హనుమంతుడితో సమానంగా పవిత్రంగా భావిస్తారు.

అంత్యక్రియలు పూర్తయిన తర్వాత గ్రామస్థులంతా డబ్బులు సేకరించి భోజన కార్యక్రమం కోసం కార్డులు ప్రింట్ చేసి పంచిపెట్టారు. ఆ భోజనాలకు దాదాపు 1500మంది హాజరైనట్లు తెలుస్తుంది. సోషల్ మీడియాలో దీనికి సంబంధించిన వీడియో వైరల్ అవుతుండగా మగాళ్లు వడ్డిస్తుంటే మహిళలు భోజనం చేస్తూ ఉన్నారు.

ఇది కూడా చదవండి: వీవో ఐపీఎల్ బదులు టాటా ఐపీఎల్‌గా పేరు మార్పు

ఇదిలా ఉంటే ఒమిక్రాన్ వ్యాప్తి అడ్డుకునేందుక గానూ అమల్లో ఉన్న 144సెక్షన్ ను బ్రేక్ చేశారని కొందరిపై కేసు నమోదైంది. అందులో ఇద్దరు వ్యక్తులను పోలీసులు అరెస్టు చేశారు కూడా.