గతేడాది అయోధ్య కేసులో తీర్పు వెలువరించిన ధర్మాసనంలో సభ్యుడు, ప్రస్తుత భారత ప్రధాన న్యాయమూర్తి జస్టిస్ ఎస్ఏ బోబ్డే ప్రాణాలను ముప్పు పొంచి ఉందని నిఘా వర్గాలు హెచ్చరించాయి. ఈ నేపథ్యంలో అప్రమత్తమైన కేంద్ర ప్రభుత్వం.. ఆయన భద్రతను జెడ్ నుంచి జెడ్ ప్లస్కు మార్చింది.
ఇప్పటివరకు భారత ప్రధాన న్యాయమూర్తికి జెడ్ కేటగిరీ భద్రత ఉండేది. దానిని జెడ్ ప్లస్ కేటగిరికి మార్చుతూ కేంద్ర హోంమంత్రిత్వశాఖ ఆదేశాలు జారీ చేసింది. ఈ నేపథ్యంలో.. జస్టిస్ బోబ్డే సీఆర్పీఎఫ్, సీఏపీఎఫ్ బలగాలు భద్రతలో ఉండనున్నారు.
భారత ప్రధాన న్యాయమూర్తిగా జస్టిస్ బోబ్డే 2019 నవంబర్ 18న బాధ్యతలు చేపట్టారు. కాగా,గతేడాది రామజన్మభూమి-బాబ్రీ మసీదు కేసులో కీలక తీర్పును వెలువరించిన ఐదుగురు సభ్యుల ధర్మాసనంలో.. సీజేఐ జస్టిస్ బోబ్డే ఒకరన్న విషయం తెలిసిందే
