TVK Minister Aadhav Arjuna : 14 ఏళ్ల బంధానికి బ్రేక్.. తమిళనాడు మంత్రి సతీమణి సంచలన ప్రకటన.. అసలేం జరిగింది?

TVK Minister Aadhav Arjuna : తమిళనాడు రాజకీయ వర్గాల్లో మంత్రి ఆధవ్ అర్జున వ్యక్తిగత జీవితం చర్చనీయాంశంగా మారింది.

Aadhav Arjuna Daisy Martin

TVK Minister Aadhav Arjuna : తమిళనాడు రాజకీయ వర్గాల్లో మంత్రి ఆధవ్ అర్జున వ్యక్తిగత జీవితం చర్చనీయాంశంగా మారింది. ఆయన, భార్య డైసీ మార్టిన్ తమ 14 ఏళ్ల వైవాహిక బంధానికి ముగింపు పలకాలని నిర్ణయించుకున్నారు. ఈ విషయాన్ని డైసీ మార్టిన్ సోషల్ మీడియా వేదికగా వెల్లడించారు. ఇద్దరి పరస్పర అంగీకారంతోనే ఈ నిర్ణయం తీసుకున్నట్లు తెలిపారు.

Also Read : Bangladesh Garment Crisis : బంగ్లాదేశ్‌లో నిరసనలు.. మీ బట్టల రేట్లు పెరగనున్నాయ్.. దానికి, దీనికి లింక్ ఇదే..

14 ఏళ్ల తమ ప్రయాణంలో ఎన్నో మధురమైన జ్ఞాపకాలు, అనుభవాలు ఉన్నాయని డైసీ పేర్కొన్నారు. భార్యాభర్తలుగా విడిపోయి వేర్వేరు మార్గాల్లో ముందుకు సాగాలని నిర్ణయించుకున్నప్పటికీ, ఒకరిపై మరొకరికి గౌరవం ఉంటుందని స్పష్టం చేశారు. ఆధవ్ అర్జున భవిష్యత్తులో సంతోషంగా ఉండాలని, ఆయన చేపట్టే కార్యక్రమాల్లో విజయం సాధించాలని ఆకాంక్షించారు.

విడిపోవాలని నిర్ణయించుకున్నప్పటికీ తల్లిదండ్రులుగా తమ బాధ్యతలు కొనసాగుతాయని డైసీ తెలిపారు. తమ బిడ్డ సంతోషం, భవిష్యత్తు ఇద్దరికీ అత్యంత ముఖ్యమని పేర్కొన్నారు. బిడ్డకు తల్లిదండ్రులిద్దరి ప్రేమ, ఆదరణ అందేలా చూసుకుంటామని వెల్లడించారు. ఈ వ్యక్తిగత నిర్ణయాన్ని గౌరవించాలని, తమ కుటుంబానికి గోప్యత కల్పించాలని కోరారు.

కాగా, డైసీ మార్టిన్ ప్రముఖ వ్యాపారవేత్త శాంటియాగో మార్టిన్ కుమార్తె. వ్యాపార రంగంలోనూ ఆమెకు గుర్తింపు ఉంది. ఆధవ్ అర్జున గతంలో విద్యుత్ చిరుతైగల్ కచ్చి (వీసీకే) పార్టీలో కొనసాగారు. ఆ తర్వాత విజయ్ స్థాపించిన తమిళగ వెట్రి కళగం (టీవీకే)లో చేరారు. ప్రస్తుతం ఆ పార్టీలో కీలక నేతగా వ్యవహరిస్తున్నారు. పార్టీ కార్యకలాపాల్లో చురుగ్గా పాల్గొంటూ రాజకీయ వ్యవహారాల్లో కీలక పాత్ర పోషిస్తున్నారు. విజయ్ కేబినెట్లో మంత్రిగానూ కొనసాగుతున్నారు.