Expensive Pens: పాఠశాల రోజుల నుంచి నేటి వరకు, ఎక్కడో ఒకచోట పెన్ను వాడుతూ ఉంటాం. డిజిటల్ పరిజ్ణానం పెరిగినప్పటికీ పెన్ను అవసరమైతే నేటికీ ఉంది. వాస్తవానికి బహుమతుల్లో ఇప్పటికీ పెన్ను కూడా ప్రధానంగానే ఉంది. విలువైన పెన్నుల్ని బహుమతిగా ఇస్తుంటారు. మరి మీ ఊహలో అత్యంత ఖరీదైన పెన్ను ఎంతుంది అనుకుంటున్నారు? 100, 500 లేదా అంతకంటే కొంచెం ఎక్కువ కావచ్చు. అయితే ఇప్పుడు ఒక పెన్ను గురించి, దాని ధర గురించి చెప్తే ఆశ్చర్యపోతారు. ఇంతకీ దాని ధర ఎంతంటే.. రూ.60 కోట్లు, అంతకంటే ఎక్కువే. మరి ఇంతటి ఖరీదైన పెన్నుల గురించి ఓసారి చూద్దామా..
ఫుల్గోర్ నాక్టర్నస్
ప్రపంచంలోని అత్యంత ఖరీదైన పెన్నుల జాబితాలో ఫుల్గోర్ నోక్టర్నస్ అనే పెన్ను అగ్రస్థానంలో ఉంది. దీని ధర 8 మిలియన్ డాలర్లు. భారతీయ కరెన్సీలో దీని గురించి మాట్లాడినట్లయితే, ఈ పెన్ ధర 65 కోట్ల రూపాయల కంటే ఎక్కువ. నివేదికల ప్రకారం, 2010లో షాంఘైలో జరిగిన వేలంలో ఈ పెన్ను 8 మిలియన్ డాలర్లకు విక్రయించారు. ఈ పెన్ను బంగారం, నలుపు వజ్రాలతో తయారు చేశారు.
బోహెమ్ రాయల్
ఈ పెన్ చాలా ఖరీదైనది. దీనిని లగ్జరీ పెన్ తయారీ కంపెనీ మోంట్‌బ్లాంక్ తయారు చేసింది. బోహ్మ్ రాయల్ పెన్ 18 క్యారెట్ల తెల్ల బంగారంతో తయారు చేశారు. ఇక దాని ఎగువ భాగంలో చాలా వజ్రాలు ఉన్నాయి. ఈ పెన్ మొత్తం 1.5 మిలియన్ డాలర్లు. ఇండియన్ కరెన్సీలో చెప్పాలంటే ఈ పెన్ విలువ రూ.12 కోట్లు.
అరోరా డైమంటే
ఖరీదైన పెన్నుల జాబితాలో అరోరా డైమంటే మూడో స్థానంలో ఉంది. ఈ పెన్ కూడా చాలా ప్రత్యేకమైనది. ఈ పెన్‌లో 30 క్యారెట్ల వజ్రాలతో పాటు పటిష్టమైన ప్లాటినం బారెల్ కూడా ఉంటుందని చెబుతున్నారు. ఈ పెన్ ధర 1.28 మిలియన్ డాలర్లు. భారతీయ కరెన్సీలో దీని ధర రూ.10 కోట్ల కంటే ఎక్కువ.
1010 డైమండ్స్ లిమిటెడ్ ఎడిషన్ ఫౌంటెన్ పెన్
1010 డైమండ్స్ లిమిటెడ్ ఎడిషన్ ఫౌంటెన్ పెన్ 18 క్యారెట్ల తెల్ల బంగారంతో తయారు చేయబడింది. ఈ పెన్నులో అనేక వందల వజ్రాలు కూడా పొందుపరచబడ్డాయి. ఈ పెన్ విలువ ఒక మిలియన్ డాలర్లు. ఇది భారత కరెన్సీలో రూ. 8 కోట్ల కంటే ఎక్కువ.
