బంగారం, వెండి కొనుగోలు చేసేందుకు సిద్ధమవుతున్నారా..? అయితే, మీకు భారీ శుభవార్త. బంగారం, వెండి ధరలు తగ్గుముఖం పట్టాయి.
2/8
శుక్రవారం ఉదయం నమోదైన వివరాల ప్రకారం.. 10గ్రాముల 24 క్యారట్ల బంగారంపై రూ. 220 తగ్గగా.. 22 క్యారట్ల బంగారంపై రూ. 200 తగ్గింది. అంతర్జాతీయ మార్కెట్లోనూ గోల్డ్ రేటు తగ్గింది. ఔన్సు బంగారంపై 20 డాలర్లు తగ్గింది. దీంతో ప్రస్తుతం ఔన్సు గోల్డ్ 4,599 డాలర్ల వద్ద కొనసాగుతోంది.
3/8
వెండి ధర కూడా తగ్గింది. గత వారం రోజులుగా భారీ పెరుగుతూ వచ్చిన వెండి ధరలు ఇవాళ తగ్గాయి. కిలో వెండిపై రూ. 4వేలు తగ్గింది.
4/8
బంగారం ధరలు రెండు రోజులుగా తగ్గుతూ వస్తున్నాయి. గురువారం 22 క్యారట్ల బంగారంపై రూ.350 తగ్గగా.. ఇవాళ (శుక్రవారం) 200 తగ్గింది. దీంతో రెండు రోజుల్లో 22 క్యారట్ల 10గ్రాముల బంగారంపై రూ. 550 తగ్గుదల చోటు చేసుకుంది.
5/8
తెలుగు రాష్ట్రాల్లో ఇవాళ్టి ధరలు.. తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో ఇవాళ బంగారం ధర తగ్గింది. దీంతో హైదరాబాద్, విజయవాడ, విశాఖపట్నంలో.. 10గ్రాముల 22 క్యారట్ల పసిడి ధర రూ.1,31,450 కాగా.. 24క్యారట్ల ధర రూ.1,43,400కు చేరింది.
6/8
దేశంలోని పలు ప్రధాన నగరాల్లో.. దేశ రాజధాని ఢిల్లీలో 22క్యారట్ల 10గ్రాముల బంగారం ధర రూ.1,31,600కాగా.. 24క్యారట్ల ధర రూ. 1,43,550కు చేరింది. ముంబై, బెంగళూరు, చెన్నై నగరాల్లో 10గ్రాముల 22క్యారట్ల పసిడి ధర రూ.1,31,450 కాగా.. 24క్యారట్ల ధర రూ.1,43,400కు చేరింది.
7/8
ఇవాళ్టి వెండి ధర ఇలా : హైదరాబాద్, విజయవాడ, విశాఖపట్టణంలో ఇవాళ వెండి ధర భారీగా తగ్గింది. దీంతో ఆయా నగరాల్లో కిలో వెండి ధర రూ.3,06,000 వద్దకు చేరింది. ఇక ఢిల్లీ, ముంబయి, బెంగళూరు నగరాల్లో కిలో వెండి రేటు రూ.2,92,000 వద్దకు చేరింది. చెన్నైలో కిలో వెండి ధర రూ. 3,06,000 వద్ద కొనసాగుతుంది.
8/8
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి. గమనించగలరు.
