Gold-Silver Prices Today : మహిళలకు గుడ్న్యూస్.. తగ్గిన బంగారం ధర.. ఏపీ, తెలంగాణలో నేటి ధరలు ఇవే..
Gold-Silver Prices Today : బంగారం కొనుగోలు చేసేందుకు సిద్ధమవుతున్న వారికి గుడ్ న్యూస్. ఇవాళ గోల్డ్ రేటు తగ్గింది.
- Harish Thanniru
- Published on- September 26, 2026 / 10:04 AM IST
అంతర్జాతీయంగా చోటు చేసుకుంటున్న పరిణామాల నేపథ్యంలో బంగారం ధరల్లో ప్రతీరోజూ హెచ్చుతగ్గులు చోటు చేసుకుంటున్నాయి. శుక్రవారం భారీగా పెరిగిన గోల్డ్ రేటు.. ఇవాళ తగ్గింది.
శనివారం ఉదయం నమోదైన వివరాల ప్రకారం.. 10గ్రాముల 24 క్యారెట్ల బంగారంపై రూ. 160 తగ్గగా.. 22 క్యారెట్ల బంగారంపై రూ. 150 తగ్గింది. అంతర్జాతీయ మార్కెట్లో గోల్డ్ రేటు పెరిగింది. ప్రస్తుతం అక్కడ ఔన్సుగోల్డ్ 4,285 డాలర్ల వద్ద కొనసాగుతోంది. మరోవైపు భారతదేశంలో వెండి రేటు స్థిరంగా కొనసాగుతోంది.
తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్టణంతోపాటు తదితర ప్రాంతాల్లో 10గ్రాముల 24క్యారెట్ల బంగారం ధర రూ.1,52,680 వద్దకు చేరగా. 22క్యారెట్ల 10గ్రాముల బంగారం రూ.1,39,950 వద్ద కొనసాగుతోంది.
దేశంలోని ప్రధాన నగరాల్లో బంగారం ధరలను పరిశీలిస్తే.. దేశ రాజధాని ఢిల్లీలో 10గ్రాముల 24క్యారట్ల బంగారం ధర రూ.1,52,830 కాగా.. 22క్యారట్ల బంగారం ధర రూ.1,40,100 వద్ద కొనసాగుతోంది. ముంబై, కోల్కతా, చెన్నై నగరాల్లో 10గ్రాముల 24క్యారట్ల బంగారం ధర రూ.1,52,680కు చేరగా.. 22క్యారట్ల బంగారం రూ.1,39,950 వద్ద కొనసాగుతోంది.
వెండి ధరలను పరిశీలిస్తే.. హైదరాబాద్, విజయవాడ, విశాఖపట్టణంలో కిలో వెండి ధర రూ.2,50,000 వద్ద కొనసాగుతుండగా.. ఢిల్లీ, ముంబయి, బెంగళూరు నగరాల్లో ప్రస్తుతం కిలో వెండి రేటు రూ.2,45,000కు చేరింది. చెన్నైలో కిలో వెండి రేటు రూ.2,50,000 వద్ద కొనసాగుతోంది.
గమనిక : పైన పేర్కొన్న ధరలు ఉదయం మార్కెట్ ప్రారంభంలో ఉన్నవి మాత్రమే. ఈ గోల్డ్, సిల్వర్ రేట్లు మారుతూ ఉంటాయి గమనించగలరు