హైదరాబాద్‌లో హాట్ ఎయిర్ బెలూన్ ఫెస్టివల్.. ఆకాశ మార్గంలో విహారం.. ఫొటోలు వైరల్..

Hot air balloon festival in hyderabad : హైదరాబాద్ నగరం గోల్కొండ కోట సమీపంలోని గోల్ఫ్ క్లబ్ వేదికగా హాట్ ఎయిర్ బెలూన్ ఫెస్టివల్ అట్టహాసంగా ప్రారంభమైంది. పర్యాటక, సాంస్కృతిక శాఖ మంత్రి జూపల్లి కృష్ణారావు ప్రారంభించారు. ఈ సందర్భంగా ఆయన హాట్ ఎయిర్ బెలూన్‌లో విహరించి సందడి చేశారు. ఆకాశ మార్గంలో సుమారు గంటన్నర సేపు 13 కిలోమీటర్లు విహరించారు. హైదరాబాద్ గోల్కొండ కోట సమీపంలోని గోల్ఫ్ క్లబ్ నుంచి ప్రారంభమైన హాట్ ఎయిర్ బెలూన్ అప్పాజీగూడ శివారులో దిగింది. ఈ హాట్ ఎయిర్ బెలూన్ ఫెస్టివల్ ఈనెల 18వ తేదీ వరకు కొనసాగనుంది.