Virat Kohli : దక్షిణాఫ్రికాతో వన్డే సిరీస్.. చరిత్ర సృష్టించేందుకు ఒక్క అడుగు దూరంలో విరాట్ కోహ్లీ..
ద‌క్షిణాప్రికాతో వన్డే సిరీస్‌కు ముందు ప‌రుగుల యంత్రం, రికార్డుల రారాజు విరాట్ కోహ్లీ (Virat Kohli )ని ఓ అరుదైన రికార్డు ఊరిస్తోంది.
- Published By: 10TV Digital Team ,Published On : November 30, 2025 / 12:30 PM IST
IND vs SA ODI series Virat Kohli One Century Away From Creating History
Virat Kohli : మూడు మ్యాచ్‌ల సిరీస్‌లో భాగంగా నేడు (నవంబర్ 30 ఆదివారం) రాంచీ వేదిక‌గా భారత్, ద‌క్షిణాఫ్రికా జ‌ట్ల మ‌ధ్య తొలి వన్డే మ్యాచ్ జ‌ర‌గ‌నుంది. టెస్టు సిరీస్‌లో ఎదురైన ఘోర ప‌రాభ‌వానికి భారత్ ప్ర‌తీకారం తీర్చుకోవాల‌ని చూస్తోంది. సీనియ‌ర్ ఆట‌గాళ్లు రోహిత్ శర్మ, విరాట్ కోహ్లీలు రావడంతో టీమ్ఇండియా బ‌లం పెరిగింది. ఐపీఎల్ 2025 త‌రువాత కోహ్లీ (Virat Kohli) భార‌త్‌లో ఆడుతున్న తొలి మ్యాచ్ ఇదే కావ‌డం గ‌మ‌నార్హం.
కాగా.. ద‌క్షిణాప్రికాతో వన్డే సిరీస్‌కు ముందు ప‌రుగుల యంత్రం, రికార్డుల రారాజు విరాట్ కోహ్లీని ఓ అరుదైన రికార్డు ఊరిస్తోంది. ఈ సిరీస్‌లో మూడు మ్యాచ్‌ల్లో కోహ్లీ ఒక్క సెంచ‌రీ సాధించినా ప్ర‌పంచ రికార్డు అత‌డి సొంతం అవుతుంది. ఓ ఫార్మాట్‌లో అత్యధిక సెంచరీలు సాధించిన ఆట‌గాడిగా కోహ్లీ నిలుస్తాడు. ఈ క్ర‌మంలో అత‌డు టీమ్ఇండియా దిగ్గ‌జ ఆట‌గాడు స‌చిన్ టెండూల్క‌ర్ రికార్డును బ్రేక్ చేస్తాడు.
Abhishek Sharma : అభిషేక్ శర్మ ఊచ‌కోత.. అదేం కొట్టుడు సామీ.. 14 ఫోర్లు, 8 సిక్స‌ర్లు.. ష‌మీ బ‌లి..
స‌చిన్ టెండూల్క‌ర్ త‌న టెస్టు కెరీర్‌లో 200 మ్యాచ్‌లు ఆడాడు. 53.8 సగటుతో 15921 ప‌రుగులు సాధించాడు. ఇందులో 51 సెంచరీలు, 68 హాఫ్ సెంచరీలు ఉన్నాయి. ఇక విరాట్ విష‌యానికి వ‌స్తే.. కోహ్లీ ఇప్ప‌టి వ‌ర‌కు 305 వన్డే మ్యాచ్‌లు ఆడాడు. 293 ఇన్నింగ్స్‌ల్లో 57.7 సగటుతో 14255 ప‌రుగులు సాధించాడు. ఇందులో 51 సెంచరీలు, 75 అర్థ‌శ‌త‌కాలు ఉన్నాయి.
స‌చిన్ టెస్టుల్లో, విరాట్ కోహ్లీ వ‌న్డేల్లో చెరో 51 శ‌త‌కాలు చేశారు. దక్షిణాఫ్రికాతో వన్డే సిరీస్‌లో కోహ్లీ ఒక్క సెంచ‌రీ సాధిస్తే.. స‌చిన్ ను అధిగ‌మించి ఓ ఫార్మాట్‌లో అత్యధిక సెంచరీలు ప్లేయ‌ర్‌గా కోహ్లీ నిలుస్తాడు.
వన్డే సిరీస్ షెడ్యూల్ ఇదే..
* తొలి వన్డే – నవంబరు 30 (రాంచి)
* రెండో వన్డే – డిసెంబరు 3 (రాయ్‌పూర్‌)
* మూడో వన్డే – డిసెంబరు 6 (శనివారం)
IND vs SA : నేటి నుంచే దక్షిణాఫ్రికాతో వన్డే సిరీస్.. మ్యాచ్‌ల‌ను ఫ్రీగా ఎక్క‌డ చూడొచ్చొ తెలుసా?
దక్షిణాఫ్రికాతో వన్డే సిరీస్‌కు భార‌త జ‌ట్టు ఇదే..
రోహిత్ శర్మ, యశస్వి జైస్వాల్‌, విరాట్ కోహ్లి, తిలక్‌ వర్మ, కేఎల్‌ రాహుల్‌ (కెప్టెన్‌), రిషభ్‌ పంత్‌ (వికెట్‌ కీపర్‌), వాషింగ్టన్‌ సుందర్‌, రవీంద్ర జడేజా, కుల్దీప్‌ యాదవ్‌, నితీశ్‌ కుమార్‌ రెడ్డి, హర్షిత్‌ రాణా, రుతురాజ్‌ గైక్వాడ్‌, ప్రసిద్‌ కృష్ణ, అర్ష్‌దీప్‌ సింగ్‌, ధ్రువ్‌ జురెల్‌.
