SRH : ఉప్ప‌ల్‌లో స‌న్‌రైజ‌ర్స్ మ్యాచ్‌.. ఈ రోజు సాయంత్రం 5 గంట‌ల నుంచే టికెట్ల బుకింగ్‌.. ఎక్క‌డ కొనుగోలు చేయాలంటే?

IPL 2026 SRH vs LSG match tickets sales starts today evening 5pm

• ఉప్ప‌ల్‌లో ఏప్రిల్ 5న ఐపీఎల్ మ్యాచ్‌
• స‌న్‌రైజ‌ర్స్‌తో త‌ల‌ప‌డ‌నున్న ల‌క్నో
• నేటి సాయంత్రం నుంచి ఈ మ్యాచ్ టికెట్ల అమ్మ‌కాలు

SRH : ఐపీఎల్ 2026 సీజ‌న్ శ‌నివారం (మార్చి 28) నుంచి ప్రారంభం కానుంది. తొలి మ్యాచ్‌లో రాయ‌ల్ ఛాలెంజ‌ర్స్ బెంగ‌ళూరు జ‌ట్టు స‌న్‌రైజ‌ర్స్ హైద‌రాబాద్‌తో త‌ల‌ప‌డ‌నుంది. ఈ మ్యాచ్‌కు బెంగ‌ళూరులోని చిన్న‌స్వామి స్టేడియం ఆతిథ్యం ఇవ్వ‌నుంది. ఇదిలా ఉంటే.. స‌న్‌రైజ‌ర్స్ హైద‌రాబాద్ హోం గ్రౌండ్ అయిన ఉప్ప‌ల్‌లో జ‌రిగే మ్యాచ్‌ల‌కు సంబంధించిన టికెట్ సేల్స్ ఈరోజు ప్రారంభం కానున్నాయి.

ఈ విష‌యాన్ని స‌న్‌రైజ‌ర్స్ హైద‌రాబాద్ జ‌ట్టు సోష‌ల్ మీడియా వేదిక‌గా వెల్ల‌డించింది. ఈ రోజు సాయంత్రం 5 గంట‌ల నుంచి డిస్ట్రిక్ట్ బై జొమాటో యాప్‌లో టికెట్ల‌ను బుక్ చేసుకోవ‌చ్చు. రెండు టికెట్లు కొంటే స‌న్‌రైజ‌ర్స్ హైద‌రాబాద్ జెర్సీని ఉచితంగా ఇవ్వ‌నున్నారు.

Vijay Mallya : అప్పుడు న‌న్ను చూసి న‌వ్వారు.. ఆర్‌సీబీకి ఆ పేరు ఎందుకు పెట్టానంటే.. విజ‌య్ మాల్యా హాట్ కామెంట్స్‌..

కాగా.. ప‌లు రాష్ట్రాల్లో ఎన్నిక‌లు కార‌ణంగా బీసీసీఐ ఐపీఎల్‌లో తొలి 20 మ్యాచ్‌ల‌కు సంబంధించిన షెడ్యూల్‌నే విడుద‌ల చేసింది. ఈ క్ర‌మంలో స‌న్‌రైజ‌ర్స్ తొలి విడుత షెడ్యూల్‌లో హోం గ్రౌండ్‌లో కేవ‌లం ఒకే ఒక మ్యాచ్ ఆడ‌నుంది. అది ఏప్రిల్ 5న ల‌క్నో సూప‌ర్ జెయింట్స్‌తో త‌ల‌ప‌డ‌నుంది. ఈ మ్యాచ్‌కు సంబంధించిన టికెట్ల‌ను సాయంత్రం 5 గంట‌ల నుంచి డిస్ట్రిక్ట్ బై జొమాటో యాప్‌లో కొనుగోలు చేయ‌వ‌చ్చు.