Paris Olympics 2024 : పారిస్ ఒలింపిక్స్‌లో ల‌క్ష్య‌సేన్ దూకుడు.. క్వార్టర్స్‌లో సాత్విక్‌-చిరాగ్ జోడీ ఓట‌మి

Paris Olympics : పారిస్ ఒలింపిక్స్‌లో భార‌త‌ యువ బ్యాడ్మింట‌న్ స్టార్ ల‌క్ష్య‌సేన్ అద‌ర‌గొడుతున్నాడు. తన అద్భుతమైన ఫామ్‌ను కొనసాగిస్తూ పురుషుల బ్మాడ్మింటన్ సింగిల్స్‌లో క్వార్ట‌ర్స్‌కు చేరుకున్నాడు. ప్రిక్వార్ట‌ర్స్‌లో భార‌త్‌కే చెందిన హెచ్ ఎస్ ప్ర‌ణ‌య్ పై 21-12, 21-6 తేడాతో విజ‌యం సాధించాడు.

ఈ మ్యాచ్‌లో ప్ర‌ణ‌య్‌కు ఎలాంటి అవ‌కాశం ఇవ్వ‌లేదు. కాగా.. ప్ర‌ణ‌య్ ఈ మ్యాచ్‌లో అల‌సిపోయిన‌ట్లుగా క‌నిపించాడు. ఆగ‌స్టు 2న క్వార్ట‌ర్ ఫైన‌ల్‌లో ల‌క్ష్య‌సేన్ చైనాకు చెందిన చౌ తియెన్ చెన్‌తో త‌ల‌ప‌డ‌నున్నాడు.

Rohit Sharma : తొలి వ‌న్డేకు ముందు రోహిత్ శ‌ర్మ కీల‌క వ్యాఖ్య‌లు.. పంత్, కేఎల్ రాహుల్‌ల‌లో వికెట్ కీప‌ర్‌గా ఎవ‌రంటే..?

సాత్విక్-చిరాగ్ జోడీ ఓటమి..

ఎన్నో అంచ‌నాల‌తో పారిస్ ఒలింపిక్స్‌లో అడుగుపెట్టిన భార‌త బ్యాడ్మింట‌న్ డ‌బుల్స్ జోడీ సాత్విక్ సాయిరాజ్ రాంకీ రెడ్డి-చిరాగ్ శెట్టిలు నిరాశ‌ప‌రిచారు. వారి ప్ర‌యాణం క్వార్టర్ ఫైనల్స్‌లోనే ముగిసింది. 21-13, 14-21, 16-21 తేడాతో ఆరోన్-సో వూయి (మలేషియా) జంట చేతిలో ఓడిపోయారు.

MS Dhoni : రిటైర్‌మెంట్ పై ధోని కీల‌క వ్యాఖ్య‌లు.. బంతి నా కోర్టులో లేదు.. జ‌ట్టుకు మేలు చేసేలా నిర్ణ‌యం..

తొలి గేమ్‌లో గెలిచి ఆధిప‌త్యం ప్ర‌ద‌ర్శించిన సాత్విక్‌-చిరాగ్ జోడీ ఆ త‌రువాత అనూహ్యంగా వెనుక‌బ‌డింది. వ‌రుస‌గా రెండు, మూడు గేమ్‌ల‌లో ఓడిపోయి మ్యాచ్‌ను చేజార్చుకుంది.