Ryan Rickelton : ర్యాన్ రికెల్ట‌న్ నువ్వు మామూలోడివి కాద‌య్యా.. ఒక్క సెంచ‌రీతో 19 ఏళ్ల ముంబై ఇండియ‌న్స్ రికార్డులు బ‌ద్ద‌లు కొట్టావుగా..

Ryan Rickelton creates history became fastest century in Mumbai Indians history (pic credit@ipl)

• 44 బంతుల్లోనే శ‌త‌క్కొట్టిన ర్యాన్ రికెల్ట‌న్‌
• ఐపీఎల్‌లో ముంబై ఇండియ‌న్స్ త‌రుపున ఇదే ఫాస్టెస్ట్ సెంచ‌రీ

Ryan Rickelton : ముంబై ఇండియ‌న్స్ ఓపెన‌ర్ ర్యాన్ రికెల్ట‌న్ అరుదైన ఘ‌న‌త సాధించాడు. బుధ‌వారం వాంఖ‌డే వేదిక‌గా స‌న్‌రైజ‌ర్స్ హైద‌రాబాద్‌తో జ‌రిగిన మ్యాచ్‌లో శ‌త‌కంతో చెల‌రేగాడు. కేవ‌లం 44 బంతుల్లోనే అత‌డు మూడు అంకెల స్కోరు అందుకున్నాడు. ఈ క్ర‌మంలో ఐపీఎల్‌లో ముంబై ఇండియ‌న్స్ త‌రుపున అత్యంత వేగంగా సెంచ‌రీ చేసిన ఆట‌గాడిగా చ‌రిత్ర సృష్టించాడు.

ఈ క్ర‌మంలో అత‌డు స‌నత్ జ‌య‌సూర్య‌ను అధిగ‌మించాడు. ఐపీఎల్ ఆరంభ సీజ‌న్ (2008)లో ముంబై త‌రుపున ఆడుతూ స‌న‌త్ జ‌య‌సూర్య చెన్నై సూప‌ర్ కింగ్స్ పై 45 బంతుల్లో సెంచ‌రీ చేశాడు.

Hardik Pandya : హార్దిక్ పాండ్యా ఇదేం కెప్టెన్సీ.. ఇంపాక్ట్ ప్లేయ‌ర్‌ను ఎందుకు తీసుకున్నావ్‌.. ఐపీఎల్ చ‌రిత్ర‌లోనే తొలిసారి ఇలా..

ఐపీఎల్‌లో ముంబై త‌రుపున వేగ‌వంత‌మైన సెంచ‌రీ చేసిన ఆట‌గాళ్లు వీరే..

* ర్యాన్ రికెల్ట‌న్ – 44 బంతులు
* స‌న‌త్ జ‌య‌సూర్య – 45 బంతులు
* తిల‌క్ వ‌ర్మ – 45 బంతులు
* కామెరూన్ గ్రీన్ – 47 బంతులు

ఇక ఈ మ్యాచ్‌లో మొత్తంగా ర్యాన్ రికెల్ట‌న్ 55 బంతులు ఎదుర్కొన్నాడు. 10 ఫోర్లు, 8 సిక్స‌ర్ల సాయంతో 123 ప‌రుగుల‌తో అజేయంగా నిలిచాడు. ఈ క్ర‌మంలో ముంబై ఇండియ‌న్స్ త‌రుపున అత్య‌ధిక ప‌రుగులు చేసిన ఆట‌గాడిగా రికార్డుల‌కు ఎక్కాడు. గ‌తంలో ఈ రికార్డు స‌న‌త్ జ‌య‌సూర్య పేరిట ఉండేది. 2008లో సీఎస్‌కే పై జ‌య‌సూర్య 114 ప‌రుగుల‌తో అజేయంగా నిలిచాడు.

Mumbai Indians : ముంబై ఇండియ‌న్స్‌ది మామూలు అదృష్టం కాద‌య్యా.. స‌న్‌రైజ‌ర్స్ పై ఓట‌మి.. అయినా గానీ ప్లేఆఫ్స్‌కు వెళ్లొచ్చు..

ఐపీఎల్‌లో ముంబై ఇండియ‌న్స్ త‌రుపున అత్య‌ధిక స్కోరు చేసిన ప్లేయ‌ర్లు వీరే..

* ర్యాన్ రికెల్ట‌న్ – 123* ప‌రుగులు
* స‌న‌త్ జ‌య‌సూర్య – 114 * ప‌రుగులు
* క్వింట‌న్ డికాక్ – 112* ప‌రుగులు
* రోహిత్ శర్మ – 109* ప‌రుగులు
* రోహిత్ శ‌ర్మ – 105* ప‌రుగులు
* సూర్యకుమార్ యాదవ్ – 103* ప‌రుగులు