IND vs WI : శ‌త‌క్కొట్టిన కోహ్లీ, గిల్.. తొలి వ‌న్డేలో వెస్టిండీస్ పై భార‌త్ ఘ‌న విజ‌యం..

Shubman Gill and Virat Kohli hundreds helps Team India beat West Indies in 1st ODI

IND vs WI : వెస్టిండీస్‌తో జ‌రుగుతున్న మూడు మ్యాచ్‌ల వ‌న్డే సిరీస్‌లో భార‌త్ ఘ‌నంగా బోణీ కొట్టింది. తిరువనంతపురంలోని గ్రీన్‌ఫీల్డ్ మైదానంలో జ‌రిగిన తొలి వ‌న్డేలో భార‌త్ 8 వికెట్ల తేడాతో ఘ‌న విజ‌యం సాధించింది. దీంతో సిరీస్‌లో 1-0 ఆధిక్యంలోకి దూసుకువెళ్లింది.

ఈ మ్యాచ్‌లో టాస్ ఓడి తొలుత బ్యాటింగ్‌ చేసిన‌ వెస్టిండీస్ నిర్ణీత 50 ఓవ‌ర్ల‌లో 7 వికెట్ల న‌ష్టానికి 295 ప‌రుగులు చేసింది. వెస్టిండీస్ బ్యాట‌ర్ల‌లో జస్టిన్ గ్రీవ్స్ (101; 108 బంతుల్లో 12 ఫోర్లు) సెంచ‌రీ చేశాడు. జాన్ క్యాంప్‌బెల్ (62; 60 బంతుల్లో 6 ఫోర్లు, 3 సిక్స‌ర్లు), అమీర్ జంగూ (58 నాటౌట్; 43 బంతుల్లో 7 ఫోర్లు, 1 సిక్స్‌) హాఫ్ సెంచ‌రీలు చేశారు. భార‌త బౌల‌ర్ల‌లో కుల్దీప్ యాద‌వ్ నాలుగు వికెట్లు తీయ‌గా.. ప్ర‌సిద్ద్ కృష్ణ రెండు వికెట్లు ప‌డ‌గొట్టాడు. నితీశ్ కుమార్ రెడ్డి ఓ వికెట్ సాధించాడు.

Virat Kohli : చ‌రిత్ర సృష్టించిన విరాట్ కోహ్లీ.. వ‌న్డే క్రికెట్‌లో ఏకైక ఆట‌గాడు..

🔙 to 🔙 to seal the deal 👊#TeamIndia with a clinical chase in just 4️⃣1️⃣.4️⃣ overs to win by 8️⃣ wickets 👏👏

Scorecard ▶️ https://t.co/O2cs86p4gq#INDvWI | @mflone_ pic.twitter.com/SUj4bbE9rh

— BCCI (@BCCI) September 27, 2026

అనంత‌రం 296 ప‌రుగుల ల‌క్ష్యాన్ని భార‌త్ 41.4 ఓవ‌ర్ల‌లో రెండు కోల్పోయి ఛేదించింది. టీమ్ఇండియా బ్యాట‌ర్ల‌లో విరాట్ కోహ్లీ (139 నాటౌట్‌; 88 బంతుల్లో 10 ఫోర్లు, 9 సిక్స‌ర్లు), శుభ్‌మ‌న్ గిల్ (110; 108 బంతుల్లో 13 ఫోర్లు, 1 సిక్స్‌) లు శ‌త‌కాల‌తో చెల‌రేగారు. రోహిత్ శ‌ర్మ (32; 35 బంతుల్లో 2 ఫోర్లు, 3 సిక్స‌ర్లు), రుతురాజ్ గైక్వాడ్ (13 నాటౌట్; 9 బంతుల్లో) రాణించారు. వెస్టిండీస్ బౌల‌ర్ల‌లో అల్జారీ జోసెఫ్, రోస్ట‌న్ ఛేజ్ చెరో వికెట్ ప‌డ‌గొట్టారు.