T20 World Cup 2026 : చ‌రిత్ర సృష్టించిన యువ‌రాజ్ సమ్రా.. టీ20 ప్ర‌పంచ‌క‌ప్‌లో ఏకైక బ్యాటర్..
కెన‌డా బ్యాటర్ యువ‌రాజ్ సమ్రా (T20 World Cup 2026 ) అరుదైన ఘ‌న‌త సాధించాడు.
- Thota Vamshi Kumar
- Published on- February 17, 2026 / 12:58 PM IST
Yuvraj Samra creates history became Youngest to score a hundred in T20 worldcup history
T20 World Cup 2026 : కెన‌డా బ్యాటర్ యువ‌రాజ్ సమ్రా అరుదైన ఘ‌న‌త సాధించాడు. చెన్నై వేదిక‌గా న్యూజిలాండ్‌తో మ్యాచ్‌లో శ‌త‌కంతో చెల‌రేగాడు. ఈ క్ర‌మంలో అత‌డు టీ20 ప్రపంచకప్ చ‌రిత్ర‌లో సెంచ‌రీ చేసిన అతి పిన్న వ‌య‌స్కుడైన బ్యాట‌ర్‌గా చ‌రిత్ర సృష్టించాడు.
గ‌తంలో ఈ రికార్డు పాకిస్థాన్ కు చెందిన అహ్మద్ షెహజాద్ పేరిట ఉండేది. అహ్మద్ షెహజాద్ 2014లో బంగ్లాదేశ్ పై 22 ఏళ్ల 127 రోజుల వ‌య‌సులో సెంచ‌రీ చేయ‌గా.. యువీ 19 ఏళ్ల 141 రోజుల వ‌య‌సులోనే మూడు అంకెల స్కోరు సాధించాడు.
ఈ మ్యాచ్‌లో యువ‌రాజ్ సమ్రా 65 బంతులు ఎదుర్కొన్నాడు. 11 ఫోర్లు, 6 సిక్స‌ర్ల సాయంతో 110 ప‌రుగులు సాధించాడు.
టీ20 ప్రపంచకప్ చ‌రిత్ర‌లో అతి త‌క్కువ ఏజ్‌లో సెంచ‌రీలు చేసిన బ్యాట‌ర్లు వీరే..
* యువ‌రాజ్ సమ్రా (కెన‌డా) – 2026లో న్యూజిలాండ్ పై – 19 ఏళ్ల 141 రోజులు
* అహ్మద్ షెహజాద్ (పాకిస్థాన్) – 2014లో బంగ్లాదేశ్ పై – 22 ఏళ్ల 127 రోజులు
* సురేశ్ రైనా (భార‌త్‌) – 2010లో ద‌క్షిణాఫ్రికాపై – 23 ఏళ్ల 156 రోజులు
* అలెక్స్ హేల్స్ (ఇంగ్లాండ్‌) – 2014లో శ్రీలంక‌పై – 25 ఏళ్ల 83 రోజులు
* గ్లెన్ ఫిలిఫ్స్ (న్యూజిలాండ్) – 2022లో శ్రీలంక‌పై – 25 ఏళ్ల 327 రోజులు