Ai+ Nova Flip 5G : 50MP కెమెరాతో Ai+ నోవా ఫ్లిప్ 5జీ ఫోన్ వచ్చేసింది.. ఫీచర్లు మాత్రం కిర్రాక్.. ధర ఎంతో తెలిస్తే కొనేవరకు ఆగలేరు!

AI Plus Nova Flip 5G

• భారత మార్కెట్లోకి ఏఐ ప్లస్ నుంచి 3 ఫోన్లు లాంచ్
• ఏఐ ప్లస్ నోవా ఫ్లిప్ 5జీ ఫోల్డబుల్ ఫోన్
• 50MP కెమెరా, 32MP ఫ్రంట్ కెమెరా, 4,325mAh బ్యాటరీ

AI Plus Nova Flip 5G : కొత్త స్మార్ట్ ఫోన్ కొనాలని చూస్తున్నారా? భారత మార్కెట్లోకి ఏఐ ప్లస్ నోవా 2 5జీ, ఏఐ ప్లస్ నోవా 2 అల్ట్రా 5జీ ఫోన్లతో పాటు ఏఐ ప్లస్ నోవా ఫ్లిప్ 5జీ కూడా లాంచ్ అయింది. ఈ ఫోల్డబుల్ ఫోన్‌లో 120Hz రిఫ్రెష్ రేట్‌తో 6.9-అంగుళాల అమోల్డ్ డిస్‌ప్లే, 3.1-అంగుళాల కవర్ స్క్రీన్ ఉన్నాయి.

మీడియాటెక్ డైమెన్సిటీ 7300X చిప్‌సెట్‌తో రన్ అవుతుంది. ఆండ్రాయిడ్ 15 ఆపరేటింగ్ సిస్టమ్‌పై రన్ అవుతుంది. ఈ ఏఐ ఫోన్ 50MP మెయిన్ కెమెరా, 32MP ఫ్రంట్ కెమెరా, 33W ఛార్జింగ్ సపోర్ట్‌తో 4,325mAh బ్యాటరీ కూడా ఉన్నాయి.

భారత్‌లో ఏఐ ప్లస్ నోవా ఫ్లిప్ 5జీ ధర ఎంతంటే? :
ఏఐ ప్లస్ నోవా ఫ్లిప్ 5జీ ఫోన్ 8GB + 256GB వేరియంట్ ధర భారత మార్కెట్లో రూ.29,999గా ఉంది. గ్లేసియర్ వైట్ కలర్ ఆప్షన్ అందిస్తుంది. ఫ్లిప్‌కార్ట్ ద్వారా కొనుగోలుకు అందుబాటులో ఉంది. ఈ హ్యాండ్‌సెట్ సేల్ మే నెలలో ప్రారంభం కానుంది. అయితే కంపెనీ ఇంకా కచ్చితమైన తేదీని వెల్లడించలేదు.

ఏఐ ప్లస్ నోవా ఫ్లిప్ 5జీ ఫీచర్లు, స్పెసిఫికేషన్లు :
ఏఐ ప్లస్ నోవా ఫ్లిప్ 5జీ ఫోన్ 2790×1188 పిక్సెల్స్ రిజల్యూషన్, 120Hz రిఫ్రెష్ రేట్, 443ppi పిక్సెల్ డెన్సిటీతో 6.9-అంగుళాల అమోల్డ్ డిస్‌ప్లేతో వస్తుంది. 1200 నిట్స్ వరకు హై బ్రైట్‌నెస్ మోడ్‌కు సపోర్టు ఇస్తుంది. డీసీఐ-పీ3 కలర్ గామట్ వంద శాతం కవరేజీని 10-బిట్ కలర్ డెప్త్‌ను అందిస్తుంది. ఈ ప్యానెల్ 2160Hz PWM డిమ్మింగ్‌కు కూడా సపోర్టు ఇస్తుంది. ఈ ఫోన్ 3.1-అంగుళాల అమోల్డ్ కవర్ డిస్‌ప్లేతో వస్తుంది.

Read Also : SIP Calculator : సామాన్యుడు కూడా కోటీశ్వరుడు అవ్వొచ్చు! SIPలో నెలకు ఇలా పెట్టుబడి పెట్టండి చాలు.. పూర్తి లెక్కలివే..!

నోవా ఫ్లిప్ 5జీలో మీడియాటెక్ డైమెన్సిటీ 7300 చిప్‌సెట్‌తో వస్తుంది. 8GB LPDDR4X ర్యామ్, 256GB uMCP 2.2 స్టోరేజ్ ఉందని ఏఐ ప్లస్ ధృవీకరించింది. ఈ ఫోన్ ఆండ్రాయిడ్ 15 ఆపరేటింగ్ సిస్టమ్‌తో పాటు NxtQ OSపై రన్ అవుతుంది.

కెమెరాల విషయానికొస్తే..
ఏఐ ప్లస్ నోవా ఫ్లిప్ 5జీలో 10x వరకు డిజిటల్ జూమ్‌కు సపోర్ట్ చేసే 50MP ప్రైమరీ రియర్ కెమెరా ఉంది. పోర్ట్రెయిట్ షాట్‌ల కోసం 2MP డెప్త్ సెన్సార్ కూడా ఉంది. ఈ క్లామ్‌షెల్ ఫోల్డబుల్ ఫోన్ హోవర్ మోడ్‌లో లేదా ఫోల్డ్ చేసినప్పుడు కూడా క్లియర్ ఫోటోలను తీస్తుంది. ఫ్రంట్ సైడ్ సెల్ఫీలు, వీడియో కాల్స్ కోసం 32MP కెమెరా కూడా ఉంది.

ఏఐ ప్లస్ నోవా ఫ్లిప్ 5జీలో 4,325mAh బ్యాటరీ ఉంది. 33W వైర్డ్ ఛార్జింగ్‌కు సపోర్ట్ చేస్తుంది. PD3.0, PPS స్టాండర్డ్స్ తో వస్తుంది. కనెక్టివిటీ ఆప్షన్లలో డ్యూయల్ 5G సిమ్ సపోర్ట్, బ్లూటూత్, NFC, OTG, L1, L5 బ్యాండ్‌లతో GPS, యూఎస్‌బీ టైప్-సీ పోర్ట్ ఉన్నాయి. సేఫ్టీ కోసం హాల్ సెన్సార్, గైరోస్కోప్, సైడ్-మౌంటెడ్ ఫింగర్‌ప్రింట్ సెన్సార్ ఉన్నాయి. ఫోల్డ్ చేస్తే ఈ హ్యాండ్‌సెట్ 7.2mm మందంతో 193 గ్రాముల బరువు ఉంటుంది.