Airtel vs Jio : ఎయిర్‌టెల్, జియో యూజర్లకు అలర్ట్.. 90 రోజుల రీఛార్జ్ ప్లాన్లు ఇవే.. ఇందులో ఏ ప్లాన్ బెటర్?
Airtel vs Jio : ఎయిర్‌టెల్, జియో అందించే రూ.90రోజుల రీఛార్జ్ ప్లాన్ తీసుకుంటున్నారా? అయితే, ఈ రెండు నెట్‌వర్క్‌లు అందించే మూడు నెలల రీఛార్జ్ ప్లాన్లలో ఏది తీసుకుంటే బెటర్ అనేది ఇప్పుడు చూద్దాం.
- Published By: 10TV Digital Team ,Published On : April 8, 2025 / 11:29 AM IST
Reliance Jio
Airtel vs Jio : ఎయిర్‌టెల్, రిలయన్స్ జియో కస్టమర్లకు అలర్ట్.. ప్రస్తుత రోజుల్లో రీఛార్జ్ డేటా ప్లాన్ల అవసరం ఎక్కువైంది. ఓటీటీ, ఐపీఎల్ బెనిఫిట్స్ అందించే రీఛార్జ్ ప్లాన్లకు ఫుల్ డిమాండ్ పెరిగింది. అందుకే ప్రతిఒక్కరూ ఇలాంటి రీఛార్జ్ ప్లాన్లను ఎంచుకునేందుకు ఆసక్తి చూపిస్తున్నారు. నెలవారీ రీఛార్జ్‌లతో విసిగిపోయిన వినియోగదారులందరూ లాంగ్ టర్మ్ రీఛార్జ్ ప్లాన్ల కోసమే చూస్తున్నారు.
అందుకే, టెలికం కంపెనీలు కూడా నెలవారీ రీఛార్జ్ ప్లాన్ల కన్నా లాంగ్ టర్మ రీఛార్జ్ ప్లాన్లను ఎక్కువగా అందుబాటులోకి తీసుకొస్తున్నాయి. అందులోనూ నెలవారీ రీఛార్జ్ ప్లాన్ల ధర పెరగడంతో చాలా మంది వినియోగదారులు దీర్ఘకాలిక రీఛార్జ్ ప్లాన్ల వైపు మొగ్గు చూపుతున్నారు.
రిలయన్స్ జియో, ఎయిర్‌టెల్ నెలవారీ రీఛార్జ్ ప్లాన్ల నుంచి 90 రోజుల సరసమైన లాంగ్-వ్యాలిడిటీ రీఛార్జ్ ప్లాన్లను ఆఫర్ చేస్తున్నాయి. అయితే, ఈ రెండు 90 రోజుల ప్లాన్లలో ఏది బెటర్ అనేది ఇప్పుడు తెలుసుకుందాం.
90 రోజుల ప్లాన్లు ఎందుకు బెటర్? :
మొబైల్ రీఛార్జ్ ధరలు పెరుగుతున్న నేపథ్యంలో వినియోగదారులు స్వల్పకాలిక ప్లాన్లను పక్కనపడేస్తున్నారు. ఎక్కువ కాలం వ్యాలిడిటీ అందించే రీఛార్జ్ ప్లాన్లనే ఎంచుకుంటున్నారు. భారతీయ టెలికాం దిగ్గజాలైన జియో, ఎయిర్‌టెల్ ఇప్పుడు 90 రోజుల రీఛార్జ్ ప్లాన్లను అందిస్తున్నాయి. అంతేకాదు.. డేటా ఎక్స్‌టెన్షన్ బెనిఫిట్స్ అందించడమే కాకుండా నెలవారీ రీఛార్జ్ ఖర్చులను తగ్గించుకోవచ్చు.
జియో రూ.899 ప్లాన్ : ఫ్రీ కాల్స్ + అదనపు డేటా + హాట్‌స్టార్
వ్యాలిడిటీ : 90 రోజులు
కాలింగ్ : అన్ని నెట్‌వర్క్‌లకు అన్‌లిమిటెడ్ వాయిస్ కాల్స్
డేటా : రోజుకు 2GB + అదనంగా 20GB = మొత్తం 200GB
SMS : రోజుకు 100
ఫ్రీ బెనిపిట్స్ : JioTV యాక్సెస్ + 90 రోజు జియోసినిమా (Hotstar) సబ్‌స్క్రిప్షన్
ఈ ప్లాన్ డేటా అధికంగా ఉపయోగించే వినియోగదారులకు సరైనది. రీఛార్జ్‌తో ఎంటర్‌‍టైన్మెంట్ పొందవచ్చు.
ఎయిర్‌టెల్ రూ. 929 ప్లాన్ :
వ్యాలిడిటీ : 90 రోజులు
కాలింగ్ : ఏ నెట్‌వర్క్‌కైనా అన్‌లిమిటెడ్ కాల్స్
డేటా : 1.5GB/రోజు, మొత్తం 135GB
SMS : రోజుకు 100
జియో కన్నా కొంచెం తక్కువ డేటాను అందిస్తున్నప్పటికీ.. ఎయిర్‌టెల్ విశ్వసనీయ నెట్వర్క్ ఎంతో మంది వినియోగదారులకు ముఖ్యంగా గ్రామీణ లేదా మారుమూల ప్రాంతాలలో మరింత ఆకర్షణీయంగా ఉండవచ్చు.
జియో vs ఎయిర్‌టెల్ : ఏ ప్లాన్ బెటర్? :
మరింత డేటా, స్ట్రీమింగ్ బెనిఫిట్స్ కోసం జియో రూ. 899 ప్లాన్ తీసుకోండి. స్టేబుల్ నెట్వర్క్ కోసం ఎయిర్‌టెల్ రూ. 929 ప్లాన్ బెస్ట్ అని చెప్పవచ్చు. ఈ రెండు ప్లాన్లు ఇప్పుడు అందుబాటులో ఉన్నాయి. వినియోగదారులు 3 నెలల పాటు ఎలాంటి ఇబ్బంది లేని కాలింగ్, రోజువారీ డేటాను పొందవచ్చు. నెలవారీ రీఛార్జ్‌ల గురించి ఆందోళన అవసరం లేదు.
