OpenAI ChatGPT Jobs : టెక్నాలజీ రంగంలో ఏఐ జాబ్స్ (AI Jobs)కు ఫుల్ డిమాండ్ పెరిగింది. ఏఐ స్కిల్స్ ఉన్నవారిపైనే టెక్ కంపెనీలు ఎక్కువగా ఆసక్తి చూపిస్తున్నాయి. గత ఏడాదిలో (ChatGPT)ని ప్రవేశపెట్టిన (OpenAI) తన కంపెనీలో కొత్త నియామకాలను చేపడుతోంది. ఇప్పుడు, OpenAI కొత్త ప్రతిభావంతుల కోసం చూస్తోంది. కోడింగ్, మెషిన్ లెర్నింగ్ వంటి ఇతర విషయాలపై మంచి పరిజ్ఞానం ఉన్న వారికే నియామకాల్లో అధిక ప్రాధాన్యత ఇస్తోంది. ఈ నియామకాల్లో ఎంపిక అయిన వారికి అధికారిక కంపెనీ లిస్టింగ్లో వార్షిక వేతనం రూ. 3.7 కోట్ల వరకు అందించనుంది.
ఓపెన్ ఏఐ కంపెనీలో సూపర్లైన్మెంట్ హెడ్గా పనిచేస్తున్న (Jan Leike) ప్రకారం.. ప్రస్తుతం అనేక పరిశోధన-ఆధారిత స్థానాలు అందుబాటులో ఉన్నాయని వెల్లడించారు. కంపెనీ అనేక మంది రీసెర్చ్ ఇంజనీర్లు, రీసెర్చ్ సైంటిస్టులు, రీసెర్చ్ మేనేజర్లను నియమించుకోవాలని చూస్తున్నట్లు లీకే ధృవీకరించారు. బహుశా ఈ ఏడాది ముగిసేలోపు కనీసం 10 నియామకాలను చేపట్టనుంది. రానున్న సంవత్సరాలలో ఇంకా నియామకాలు పెరగవచ్చునని లీకే చెప్పారు.
ఏఐ జాబ్స్ కోసం ప్రయత్నించే వారిలో నైపుణ్యాల గురించి జాన్ మాట్లాడుతూ.. అప్లయ్ చేయడానికి ప్లాన్ చేసే వ్యక్తికి కోడింగ్పై మంచి అవగాహన, మెషిన్ లెర్నింగ్ పరిజ్ఞానం, విమర్శనాత్మక ఆలోచనకు ప్రదర్శిత ఆప్టిట్యూడ్ ఉండాలని లైక్ నొక్కిచెప్పారు. అయినప్పటికీ, ఈ స్కిల్స్ అనేది నియామకాల్లో ఒక భాగం మాత్రమేని అన్నారు. ఆర్టిఫిషియల్ ఇంటెలిజెన్స్ (AI) భద్రతను మరింత అభివృద్ధి చేయడానికి నిజమైన నిబద్ధత కూడా అవసరమని లైక్ అభిప్రాయపడ్డారు.
OpenAI సూపర్ అలైన్మెంట్ బృందంలో భద్రతా పరిశోధనకు సంబంధించి క్లిష్టమైన ప్రయోగాలను రూపొందించడానికి పరిశోధన ఇంజనీర్లు బాధ్యత వహిస్తారు. ఆసక్తికరంగా, ఈ జాబ్ రోల్కు 245,000 డాలర్లు (దాదాపు రూ. 2 కోట్లు) నుంచి 450,000 డాలర్లు (సుమారు రూ. 3.7 కోట్లు) వరకు భారీ వార్షిక వేతనం లభిస్తుంది.
కొన్ని అదనపు పరిహారం ప్రయోజనాలు కూడా ఉన్నాయి. ఆసక్తి గల అభ్యర్థులు OpenAI కెరీర్ల పేజీలో చెక్ చేయవచ్చు. పైన పేర్కొన్న ఇతర రోల్స్కు జీతాలు ఎంత అనేది తెలియదు. కానీ ఎక్కువగా ఉండవచ్చు. మెషీన్ లెర్నింగ్ ట్రైనింగ్ కోసం కోడ్ను రూపొందించడం, ప్రయోగాత్మక డేటాసెట్ల నైపుణ్యం కలిగిన నిర్వహణ, ట్రబుల్షూటింగ్ సమస్యలను పరిష్కరించడం వంటివి రీసెర్చ్ ఇంజనీర్ బాధ్యతలు ఉంటాయి.
ఇంకా, ఈ రోల్స్ కోసం దరఖాస్తు చేసేవారికి AI సెక్యూరిటీ బ్యాక్గ్రౌండ్ లేదా మెషిన్ లెర్నింగ్లో PhD అవసరం లేదని అన్నారు. అందుకు బదులుగా, మెషీన్ లెర్నింగ్ మోడల్లను సమర్థవంతంగా అభివృద్ధి చేయగల సామర్థ్యం ఉన్న అభ్యర్థుల కోసమే కంపెనీ చూస్తోందని లీకే చెప్పారు. రీసెర్చ్ ఇంజనీర్లు, శాస్త్రవేత్తలకు చాలా క్లిష్టమైన ఆలోచనతో పాటు ప్రపంచంలో మనం నిర్మిస్తున్న టెక్నాలజీ గురించి చాలా ఆసక్తిగా ఉండటం చాలా అవసరమని లీక్ పేర్కొన్నారు.
రీసెర్చ్ మేనేజర్ పొజిషన్ విషయానికొస్తే.. రీసెర్చ్ ఇంజనీర్లు, రీసెర్చ్ సైంటిస్టులలో అర్హులైన వ్యక్తులు సంవత్సరానికి 420,000 డాలర్లు (సుమారు రూ. 3.4 కోట్లు) నుంచి 5లక్షల డాలర్లు (దాదాపు రూ. 4.1 కోట్లు) సంపాదించగలరు. ఈ ఉద్యోగ రోల్ కోసం అప్లయ్ చేసే దరఖాస్తుదారులు నిర్వహణ అనుభవం, మెషిన్ లెర్నింగ్ నైపుణ్యాల కలయికను కలిగి ఉండాలి. మెషీన్ లెర్నింగ్ కంపెనీలో పరిశోధనా బృందానికి నాయకత్వం వహించడం, లార్జ్ లాంగ్వేజీ మోడల్ ప్రాజెక్ట్లు, ఇతర విషయాలకు సహకరించిన అనుభవం కలిగి ఉండాలి.