Credit Cards : ఒకటికి మించి క్రెడిట్ కార్డులు ఉన్నాయా? క్యాన్సిల్ చేసే ముందు ఇవి తప్పక తెలుసుకోండి!

Credit Cards: క్రెడిట్ కార్డులను వాడుతున్నారా? క్రెడిట్ కార్డు క్యాన్సిల్ చేసే ముందు కొన్ని జాగ్రత్తలు తీసుకోవాలి. అవేంటో ఓసారి లుక్కేయండి.

Credit Cards

Credit Cards : ఈ రోజుల్లో క్రెడిట్ కార్డులు కామన్. చాలామంది అవసరం ఉన్నా లేకున్నా ఒకటికి మించి క్రెడిట్ (Credit Cards) కార్డులను తీసేసుకుంటున్నారు. ఆఫర్ ఉందని ఒకరు.. అవసరం ఉండొచ్చుని మరొకరు ఇలా ఏదో ఒక అవసరం పేరుతో నాలుగు ఐదు క్రెడిట్ కార్డులను వాడేస్తున్నారు.

Read Also : Home Loans : హోం లోన్ కస్టమర్లకు బిగ్ రిలీఫ్.. కేవలం 5 నెలల్లో మూడోసారి ఈఎంఐ తగ్గుతుందోచ్..!

ఇందులో వాడేవి ఒకటి రెండు అయితే మిగతావి అలా ఉంచుకుంటారు. అయితే, ఈ క్రెడిట్ కార్డుల్లో ఏదైనా క్రెడిట్ కార్డు క్యాన్సిల్ చేసుకుందామని అనుకుంటున్నారా?

అయితే, మీరు కాస్త ఆగండి.. క్రెడిట్ కార్డు క్యాన్సిల్ చేసే కొన్ని విషయాల పట్ల తప్పనిసరిగా అవగాహన ఉండాలి. లేదంటే మీ క్రెడిట్ స్కోరు ఒక్కసారిగా దెబ్బతినే అవకాశం లేకపోలేదు.

ఎలాంటి జాగ్రత్తలు తీసుకోవాలి? :
ఇంతకీ క్రెడిట్ కార్డు (Credit Cards) ఒకటికి మించి ఉంటే అలానే ఉంచుకోవాలా? లేదా క్యాన్సిల్ చేయాలా? అలా చేస్తే క్రెడిట్ స్కోరు తగ్గకుండా ఎలాంటి జాగ్రత్తలు తీసుకోవాలి? ఏయే అంశాలను పరిగణనలోకి తీసుకోవాలి అనేది ఇప్పుడు వివరంగా తెలుసుకుందాం.

క్రెడిట్ కార్డును క్యాన్సిల్ చేయడం చాలా ఈజీ. ఎక్కువ కార్డులంటే అందులో ఏది క్యాన్సిల్ చేయాలో చెప్పడం కష్టమే. ఏది రద్దు చేసినా క్రెడిట్ స్కోరు ఎఫెక్ట్ అవుతుంది.

చాలావరకూ క్రెడిట్ కార్డు క్యాన్సిల్ చేసేవారు యానివల్ ఫీజులు ఎక్కువని, వడ్డీ అధికంగా ఉందని, పెద్దగా బెనిఫిట్స్ ఏం లేవని క్యాన్సిల్ చేద్దామని భావిస్తుంటారు. మీరు ఏదైనా క్రెడిట్ కార్డు వద్దనుకుంటే.. అకౌంట్ క్లోజ్ చేస్తున్నారని గమనించాలి.

ఇలా చేస్తే క్రెడిట్ లోన్ కూడా తగ్గిపోతుంది. మిగతా కార్డులో లోన్ వినియోగ నిష్పత్తి పెరిగిపోతుంది. ఇది 30 శాతం కన్నా ఎక్కువగా ఉంటే అప్పులపై మీరు ఎక్కువగా ఆధారపడతారని బ్యాంకులు భావిస్తాయి.

రుణ వినియోగం పెరిగితే క్రెడిట్‌ స్కోరు కూడా వేగంగా తగ్గుతుంది. పాత క్రెడిట్‌ కార్డులకు మంచి క్రెడిట్ హిస్టరీ ఉంటుంది. 10 ఏళ్లకు మించి వాడే క్రెడిట్ కార్డులను అసలు క్యాన్సిల్ చేయొద్దు.

Read Also : Fixed Deposit : మీరు ఫిక్స్‌డ్ డిపాజిట్ చేశారా? బ్యాంక్ FDలపై తగ్గనున్న వడ్డీ రేట్లు.. కస్టమర్లు ఏం చేయాలంటే?

క్యాన్సిల్ చేసే ముందు ఏం చేయాలి? :

• మీ క్రెడిట్ కార్డుపై రివార్డు పాయింట్లు ఉంటే వాడుకోండి.
• కార్డు బిల్లు పూర్తిగా చెల్లించండి. ఒక రూపాయి కూడా బాకీ ఉండొద్దు.
• ఫుల్ బిల్ పేమెంట్ చేశాక క్రెడిట్ కార్డు క్యాన్సిల్ చేసుకోవచ్చు.
• బిల్లులో కొద్ది మొత్తంలో చెల్లించి సెటిల్మెంట్ చేసి కార్డు క్యాన్సిల్ చేస్తే క్రెడిట్ స్కోరు ఎఫెక్ట్ అవుతుంది.
• క్రెడిట్ కార్డు క్యాన్సిల్ చేసే ముందు లింక్ కార్డులు ఉన్నాయో లేదో చెక్ చేయండి. రెండూ క్యాన్సిల్ చేయండి.
• ఓటీటీ, మొబైల్‌ రీఛార్జీలు, ఆటోమేటిక్‌ పేమెంట్లు ఉంటే వెంటనే స్టాప్ చేయాలి.
• క్రెడిట్ కార్డు క్యాన్సిల్ చేసే ముందు బ్యాంకుకు సమాచారాన్ని ఇవ్వండి. ఇ-మెయిల్‌ ద్వారా నోటిఫై చేయండి.
• పేరు, అడ్రస్, కార్డు అకౌంట్ నెంబర్, ఫోన్‌ నంబరు వివరాలన్నీ అందించండి.
• బ్యాంకు అకౌంట్ నుంచి కూడా క్రెడిట్ కార్డు క్యాన్సిల్ కోసం అప్లయ్ చేయొచ్చు.
• కార్డు క్యాన్సిల్ చేసిన నెల తర్వాత వెరిఫై చేసుకోండి.
• క్రెడిట్‌ స్కోరు రిపోర్టును చెక్ చేయండి. పరిశీలించండి. క్లోజ్ చేసిన కార్డుల (Closed)స్టేటస్ చెక్ చేయండి.
• క్రెడిట్ కార్డు ఇంకా క్లోజ్ కాకపోతే వెంటనే బ్యాంక్ కస్టమర్ కేర్ సంప్రదించి ఫిర్యాదు చేయండి.