Upcoming Smartphones ( Image Credit to Original Source )
Best Upcoming Smartphones : కొత్త స్మార్ట్ఫోన్ కొనేందుకు చూస్తున్నారా? భారత మార్కెట్లోకి అతి త్వరలో సరికొత్త ఫీచర్లతో అదిరిపోయే స్మార్ట్ ఫోన్లు రాబోతున్నాయి. మీరు కొత్త ఫోన్ కొనాలని ప్లాన్ చేస్తుంటే ఇది మీకోసమే.
ఈ వారంలో ఒకటి కాదు.. రెండు కాదు ఏకంగా 5 కొత్త స్మార్ట్ఫోన్లు భారత మార్కెట్లో లాంచ్ కానున్నాయి. ఈ ఫోన్లలో ఒకటి మార్చి 2న లాంచ్ అయింది. ఈ వారంలో నథింగ్, రియల్మి, టెక్నో వంటి కంపెనీలు తమ కొత్త ఫోన్లను లాంచ్ చేయనున్నాయి. ఇందులో మీకు నచ్చిన ఫోన్ ఏంటో ఎంచుకుని కొనేందుకు రెడీగా ఉండండి.
AI పల్స్ 2 లాంచ్ :
ఈ ఏఐ పల్స్ 2 ఫోన్ మార్చి 2వ తేదీ మధ్యాహ్నం 12 గంటలకు భారత మార్కెట్లో లాంచ్ అయింది. ఈ ఫోన్లో 50MP ఏఐ డ్యూయల్ కెమెరా, 6000mAh బ్యాటరీ, 5 కలర్ ఆప్షన్లు, IP64 రేటింగ్, యూనిసోక్ (Unisoc) T7250 ప్రాసెసర్ ఉన్నాయి.
నథింగ్ 4ఎ సిరీస్ లాంచ్ :
ఈ కొత్త నథింగ్ సిరీస్ మార్చి 5వ తేదీ సాయంత్రం 4 గంటలకు భారత మార్కెట్లో లాంచ్ అవుతుంది. ఈ కొత్త సిరీస్ స్నాప్డ్రాగన్ ప్రాసెసర్ ద్వారా పవర్ పొందుతుంది.
రియల్మి C83 5G లాంచ్ :
ఈ రియల్మి ఫోన్ మార్చి 7వ తేదీ మధ్యాహ్నం 12 గంటలకు లాంచ్ అవుతుంది. 7000mAh బ్యాటరీతో ఈ ఫోన్ మిలిటరీ-గ్రేడ్ షాక్ రెసిస్టెన్స్, IP64 రేటింగ్ డస్ట్, వాటర్ రెసిస్టెన్స్తో వస్తుంది. 144Hz రిఫ్రెష్ రేట్ సపోర్ట్తో వస్తుంది.
రియల్మి నార్జో పవర్ 5G లాంచ్ :
రియల్మి ఒకటి కాదు.. 2 కొత్త ఫోన్లను లాంచ్ చేస్తోంది. మార్చి 5వ తేదీ మధ్యాహ్నం 12 గంటలకు లాంచ్ అవుతాయి. ఈ ఫోన్ అత్యంత ముఖ్యమైన ఫీచర్లలో 10,001mAh బ్యాటరీ అత్యంత ఆకర్షణీయంగా ఉంది. 144Hz రిఫ్రెష్ రేట్కు సపోర్టుతో పాటు, 50MP సోనీ OIS కెమెరా, 27-వాట్ రివర్స్ ఛార్జింగ్ కూడా ఉండొచ్చు.
టెక్నో పాప్ ఎక్స్ లాంచ్ :
టెక్నో నుంచి రాబోయే ఈ ఫోన్ మార్చి 4న మధ్యాహ్నం 12 గంటలకు లాంచ్ కానుంది. 120Hz రిఫ్రెష్ రేట్కు సపోర్టుతో లాంచ్ అవుతుంది. కానీ, ఈ ఫోన్ ఇతర ఫీచర్లు ఇంకా వెల్లడి కాలేదు.
