Moto G45 India launch on August 21_ Specs ( Image Source : Google )
Moto G45 India Launch : కొత్త ఫోన్ కోసం చూస్తున్నారా? భారత మార్కెట్లోకి ఈ నెల 21న మోటోరోలా నుంచి సరికొత్త ఫోన్ రాబోతోంది. మోటో జీ45 పేరుతో లాంచ్ కానుంది. గత కొన్ని నెలల్లో, మోటరోలా ప్రీమియం ఫోన్ల గ్రూపును రిలీజ్ చేసింది. ఇప్పుడు కంపెనీ బడ్జెట్ సెగ్మెంట్‌ను కూడా రిలీజ్ చేయనున్నట్టు కనిపిస్తోంది.
మోటో జీ45 స్మార్ట్‌ఫోన్ ఆగస్టు 21న మధ్యాహ్నం 12 గంటలకు వస్తోంది. ఈ ఫోన్ స్పెషల్ పేజీ ద్వారా ఫ్లిప్‌కార్ట్ ధృవీకరించింది. ప్లాట్‌ఫారమ్ మోటో జీ45 కొన్ని కీలక స్పెషిఫికేషన్లను వెల్లడించింది. ఈ మోటోరోలా ఫోన్ కొన్ని ముఖ్య సేల్ సెంటర్లలో చిప్‌సెట్, డిజైన్, ధర, ఇతర స్పెషిఫికేషన్లతో సహా అందుబాటులో ఉండనుంది.
ఫ్లిప్‌కార్ట్‌లో మోటో జీ45 కీలక స్పెఫిషికేషన్లు :
మోటో జీ45 క్వాల్‌కామ్ స్నాప్‌డ్రాగన్ 6ఎస్ జనరేషన్ 3 చిప్‌సెట్ ద్వారా శక్తిని పొందుతుంది. 8జీబీ ర్యామ్ + 128జీబీ స్టోరేజ్ మోడల్ సపోర్టు ఉంది. 120Hz రిఫ్రెష్ రేట్, కార్నింగ్ గొరిల్లా గ్లాస్ 3 ప్రొటెక్షన్‌తో 6.5-అంగుళాల డిస్‌ప్లేను కలిగి ఉంది. మెరుగైన సౌండ్ అవుట్‌పుట్ కోసం డాల్బీ అట్మోస్, హై-రెస్ ఆడియోకు కూడా సపోర్టు ఉందని కంపెనీ పేర్కొంది. ఈ ఫోన్ లెదర్ బ్యాక్ ప్యానెల్‌ను కలిగి ఉంది. వినియోగదారులకు ప్రీమియం ఎక్స్‌పీరియన్స్ అందిస్తుందని కంపెనీ పేర్కొంది. మోటోరోలా అనేక ఫోన్‌లలో లెదర్ ఫినిషింగ్ బ్యాక్ ప్యానెల్‌ను అందిస్తోంది.
కంపెనీ బడ్జెట్ ఫోన్ తీసుకొచ్చినా ఆశ్చర్యం లేదు. రెడ్, బ్లూ, గ్రీన్ మొత్తం 3 కలర్ ఆప్షన్లలో అందుబాటులో ఉంటుంది. టీజర్ ప్రకారం.. ఈ ఫోన్ బ్యాక్ సైడ్ 50ఎంపీ డ్యూయల్ కెమెరా సెటప్ ఉంది. ఫ్రంట్ సైడ్ సింగిల్ సెల్ఫీ కెమెరాకు సాధారణ పంచ్-హోల్ డిజైన్ ఉంది. ఈ ఫోన్ పైన దిగువన బెజెల్‌లను చూడవచ్చు. అయితే, మోటో జీ45 బడ్జెట్ ఫోన్ బ్యాటరీ, ఇతర వివరాలు ఇంకా తెలియాల్సి ఉంది. మోటోరోలా ఇతర ఫోన్ల మాదిరిగానే రిటైల్ బాక్స్‌లో ఛార్జర్‌ను అందించే అవకాశం ఉంది.
మోటో జీ45 భారత్ ధర (అంచనా) :
మోటో జీ45 స్పెసిఫికేషన్లు బడ్జెట్ ఫోన్ అని సూచిస్తున్నాయి. ఈ మోటో జీ45 ధర రూ. 15వేల నుంచి ప్రారంభమవుతుందని అంచనా. కానీ, అధికారికంగా కంపెనీ ధృవీకరించలేదు. ప్రస్తుతానికి, లేటెస్ట్ మోటో ఫోన్ ఫ్లిప్‌కార్ట్ ద్వారా కొనుగోలుకు అందుబాటులో ఉండనుంది.
