New dangerous Android malware found in 14 apps, delete them immediately
Dangerous Android Malware : ఆండ్రాయిడ్ యూజర్లు తస్మాత్ జాగ్రత్త.. గూగుల్ ప్లే స్టోర్ నుంచి ఇన్‌స్టాల్ చేసిన 14 యాప్స్‌లలో డేంజరస్ మాల్వేర్ ఉందని ప్రముఖ కంప్యూటర్ సెక్యూరిటీ సాఫ్ట్‌వేర్ కంపెనీ (McAfee) పరిశోధకుల ఇటీవలి ఆవిష్కరణలో ‘Xamalicious’ అనే కొత్త ఆండ్రాయిడ్ బ్యాక్‌డోర్ మాల్వేర్‌ను గుర్తించారు. ఇప్పటికే ఈ డేంజరస్ మాల్వేర్ గూగుల్ ప్లే స్టోర్‌లోని హానికరమైన యాప్‌ల ద్వారా సుమారు 338,300 డివైజ్‌లకు సోకింది.
మాల్వేర్ ప్రభావితమైన 14 యాప్‌లలో గుర్తించారు. వాటిలో మూడు గూగుల్ ప్లే స్టోర్ నుంచి డిలీట్ చేసే ముందు ఒక్కొక్కటి లక్ష ఇన్‌స్టాల్‌లను సేకరించాయి. గూగుల్ ప్లే స్టోర్‌లో అవి కనిపించనప్పటికీ పొరపాటున వాటిని ఫోన్‌లలో ఇన్‌స్టాల్ చేసిన వారు వెంటనే వాటిని డిలీట్ చేయాల్సి ఉంటుంది. ప్రభావితమైన యాప్‌లు, యాప్ స్టోర్ నుంచి డిలీట్ చేయాల్సి ఉంటుంది.
2020 మధ్యకాలం నుంచి వాటిని ఇన్‌స్టాల్ చేసిన వినియోగదారులు ఇప్పటికీ వారి డివైజ్‌లలో యాక్టివ్ హానికరమైన మాల్వేర్ ఆప్షన్‌లను కలిగి ఉండవచ్చు. అందువల్ల, వినియోగదారులు తమ డివైజ్‌లను మాన్యువల్‌గా క్లీన్ చేసుకోవాలని సూచించారు. మీ స్మార్ట్‌ఫోన్ నుంచి అవాంఛిత యాప్‌లు ఉన్నాయా లేదా ఏవైనా సెట్టింగ్‌లు ఉన్నాయా లేదా మీకు అనుమానాస్పదంగా అనిపించేవి ఏవైనా ఉన్నాయో లేదో చెక్ చేయవచ్చు. విస్తృతంగా ఇన్‌స్టాల్ చేసిన హానికరమైన ప్రభావిత ఆండ్రాయిడ్ యాప్‌లలో కొన్ని ఈ కింది విధంగా ఉన్నాయి.
ఆండ్రాయిడ్ బ్యాక్‌డోర్ మాల్వేర్ ఇదే :
గూగుల్ ప్లేలోని యాప్‌లతో పాటు, ఆండ్రాయిడ్ మాల్వేర్ ముప్పును కలిగిన 12 హానికరమైన యాప్‌ల ప్రత్యేక గ్రూపును కలిగి ఉంది. అనధికార థర్డ్-పార్టీ యాప్ స్టోర్‌లలో ఏపీకే ఫైల్ డౌన్‌లోడ్‌ల ద్వారా యూజర్లను ప్రభావితం చేస్తుందని నివేదిక తెలిపింది. Xamalicious, ఆండ్రాయిడ్ బ్యాక్‌డోర్, .NET ఫ్రేమ్‌వర్క్‌పై ఆధారపడి ఉంటుంది. ఓపెన్ సోర్స్ Xamarin ఫ్రేమ్‌వర్క్‌ని ఉపయోగించి డెవలప్ చేసిన యాప్‌లలోకి లింక్ అయి ఉంటుంది. ఈ ఫీచర్ కోడ్ విశ్లేషణను నిర్వహించే సైబర్‌ సెక్యూరిటీ నిపుణులకు సవాలును అందిస్తుంది.
New dangerous Android malware
ఇన్‌స్టాలేషన్ తర్వాత మాలిసియస్ (Xamalicious) యాక్సెసిబిలిటీ సర్వీస్‌కు యాక్సెస్‌ను అందిస్తుంది. నావిగేషన్ సైన్ అమలు చేయడంతో స్క్రీన్‌పై ఫైళ్లను హైడ్ చేయడంతో పాటు అదనపు అనుమతులను పొందడం వంటి విశేషమైన ఆపరేషన్‌లను నిర్వహించడానికి వీలు కల్పిస్తుంది. ఇన్‌స్టాలేషన్ తర్వాత మాల్వేర్ రెండవ-దశ DLL పేలోడ్ (‘cache.bin’)ని తిరిగి పొందడానికి కమాండ్, కంట్రోల్ (C2) సర్వర్‌తో కమ్యూనికేషన్‌ను ఎనేబుల్ చేస్తుంది. భౌగోళిక స్థానం, నెట్‌వర్క్ పరిస్థితులు, డివైజ్ కాన్ఫిగరేషన్, రూట్ స్టేటస్ సహా నిర్దిష్ట ప్రమాణాలకు అనుగుణంగా ఉంటుంది.
ఆండ్రాయిడ్ యూజర్లు తమ డివైజ్‌లలో దాగిన యాప్‌లను అన్‌ఇన్‌స్టాల్ చేసినప్పటికీ కూడా అందులోని (Xamalicious) ఇన్ఫెక్షన్‌లకు సంబంధించిన ఏవైనా సంకేతాలు ఉన్నాయో లేదో చెక్ చేయాలని గట్టిగా సూచిస్తున్నారు. మాన్యువల్ క్లీన్-అప్ కోసం యాంటీవైరస్ సాఫ్ట్‌వేర్‌ను ఉపయోగించడం మంచిది. అలాంటి మాల్వేర్ నుంచి డివైజ్ ప్రొటెక్షన్ కోసం సాధారణ డివైజ్ స్కానింగ్ చేయాల్సి ఉంటుంది.
