Redmi A7 Pro Launch : 6300mAh బ్యాటరీ, డ్యూయల్ AI కెమెరాలతో కొత్త రెడ్మి A7 ప్రో 5G వస్తోంది.. ధర ఎంత ఉండొచ్చంటే?
Redmi A7 Pro Launch : రెడ్ మి నుంచి సరికొత్త 5జీ ఫోన్ రాబోతుంది. ఈ నెల 13నే భారత మార్కెట్లో లాంచ్ కానుంది. రెడ్మి A7 ప్రో 5జీ 32MP డ్యూయల్ కెమెరాతో వస్తోంది. AI ఫీచర్లతో అత్యంత ఆకర్షణీయంగా ఉంటుందని అంచనా. పూర్తి వివరాలపై ఓసారి లుక్కేయండి.
- Sreehari A
- Published On : April 12, 2026 / 07:58 PM IST
Redmi A7 Pro Launch
సెల్ఫీలు, వీడియో కాలింగ్ కోసం 8MP ఫ్రంట్ కెమెరా
ఈ ఫోన్లో 15W ఫాస్ట్ ఛార్జింగ్తో 6,300mAh బ్యాటరీ
ఈ ఫోన్ ఆండ్రాయిడ్ 16తో వస్తుంది
Redmi A7 Pro Launch : కొత్త రెడ్మి ఫోన్ వచ్చేస్తోంది. ఏప్రిల్ 13న భారత మార్కెట్లో రెడ్మి A7 ప్రో 5G లాంచ్ కానుంది. ఈ ఫోన్లో 6.9-అంగుళాల HD+ డిస్ప్లే ఉంది. ఈ ఎల్సీడీ ప్యానెల్ 120Hz రిఫ్రెష్ రేట్కు సపోర్టు ఇస్తుంది.
కంపెనీ ఈ ఫోన్లో ఆక్టా-కోర్ 5G చిప్సెట్ అందించింది. ఇందులో ఫాస్ట్ ఛార్జింగ్ సపోర్ట్తో భారీ 6300mAh బ్యాటరీ కూడా ఉంది. ఈ ఫోన్ వాటర్డ్రాప్ నాచ్ డిజైన్తో వస్తుంది. రెడ్మి A7 ప్రో 5జీ లాంచ్ ముందే పూర్తి వివరాలను ఇప్పుడు తెలుసుకుందాం..
భారత్లో రెడ్మి A7 ప్రో 5జీ లాంచ్ తేదీ :
రెడ్మి A7 ప్రో 5జీ ఫోన్ ఏప్రిల్ 13 సోమవారం రోజున భారత మార్కెట్లో లాంచ్ కానుంది. ఈ ఫోన్ను కంపెనీ అధికారిక వెబ్సైట్, అమెజాన్లో కూడా టీజ్ చేసింది. ఇందుకోసం కంపెనీ ఒక స్పెషల్ మైక్రోసైట్ను లైవ్స్ట్రీమ్ చేసింది. ఈ ఫోన్ అమెజాన్లో కొనుగోలుకు అందుబాటులో ఉంటుంది.
భారత్లో రెడ్మి A7 ప్రో 5జీ ధర :
రెడ్మి A7 ప్రో 5జీ ధర ఇంకా వెల్లడి కాలేదు. లీకుల ప్రకారం.. బేస్ వేరియంట్ ధర సుమారు రూ. 10వేలు ఉండగా, టాప్ వేరియంట్ ధర రూ. 13వేల వరకు ఉండవచ్చని తెలుస్తోంది. ఈ ఫోన్, కంపెనీ ఏప్రిల్ 1న ప్రపంచవ్యాప్తంగా లాంచ్ చేసిన రెడ్మి A7 ప్రో 4Gకి అప్గ్రేడ్ వెర్షన్ కానుంది.
రెడ్మి A7 ప్రో 5జీ స్పెసిఫికేషన్లు :
రెడ్మి A7 ప్రో 5జీ ఫోన్ అన్ని మెయిన్ స్పెసిఫికేషన్లు వెల్లడయ్యాయి. ఈ ఫోన్లో 6.9-అంగుళాల HD+ డిస్ప్లే ఉంది. LCD ప్యానెల్ ఉంటుంది. 120Hz రిఫ్రెష్ రేట్కు సపోర్ట్ చేస్తుంది. ఈ సెగ్మెంట్లో అతిపెద్ద డిస్ప్లే ఉంటుందని కంపెనీ పేర్కొంది.
కంపెనీ ఇంకా ప్రాసెసర్ను వెల్లడించలేదు. కానీ, ఇందులో ఆక్టా-కోర్ 5జీ చిప్సెట్ ఉంటుందని వెల్లడైంది. బేస్ వేరియంట్ 4GB ర్యామ్, 64GB స్టోరేజ్తో వస్తుంది. ఈ ఫోన్లో 128GB స్టోరేజ్తో వేరియంట్ కూడా ఉంటుంది. ఆండ్రాయిడ్ 16, హైపర్ఓఎస్ 3 స్కిన్తో వస్తుంది.
రెడ్మి A7 ప్రో 5జీలో ఏఐ ఫీచర్లతో 32MP డ్యూయల్ రియర్ కెమెరా సెటప్ ఉంటుందని అంచనా. ఈ ఫోన్లో సెల్ఫీలు, వీడియో కాలింగ్ కోసం 8MP ఫ్రంట్ కెమెరా కూడా ఉంటుంది. ఈ ఫోన్ 15W ఫాస్ట్ ఛార్జింగ్ సపోర్ట్తో 6,300mAh బ్యాటరీతో రన్ అవుతుంది.