Samsung Galaxy S26 Ultra : కొంటే శాంసంగ్ ఫోన్ కొనాలి.. ఈ గెలాక్సీ S26 అల్ట్రా ఫోన్ భారీగా తగ్గిందోచ్.. జస్ట్ ఎంతంటే?

Samsung Galaxy S26 Ultra

• 6.9-అంగుళాల డైనమిక్ అమోల్డ్ 2X డిస్‌ప్లే
• క్వాల్‌కామ్ స్నాప్‌డ్రాగన్ 8 ఎలైట్ జెన్ 5 చిప్‌సెట్‌
• 5000mAh బ్యాటరీ, USB టైప్-సీ సపోర్ట్

Samsung Galaxy S26 Ultra : కొత్త శాంసంగ్ ఫోన్ కొనేవారికి అద్భుతమైన ఆఫర్. శాంసంగ్ ఫ్లాగ్‌షిప్ స్మార్ట్‌ఫోన్ గెలాక్సీ S26 అల్ట్రా భారీ తగ్గింపుతో లభిస్తోంది. గత ఫిబ్రవరిలో భారత మార్కెట్లో లాంచ్ కాగా ఇప్పుడు డిస్కౌంట్ ధరకే లభిస్తోంది.

స్నాప్‌డ్రాగన్ 8 ఎలైట్ జెన్ 5 చిప్‌సెట్‌తో ఈ స్మార్ట్‌ఫోన్‌ కొనాలని చూస్తుంటే విజయ్ సేల్స్‌లో అతి చౌకైన ధరకే లభిస్తోంది. బ్యాంక్ ఆఫర్లతో ఈ శాంసంగ్ ఫోన్ ఇంకా తక్కువ ధరకే కొనేసుకోవచ్చు. శాంసంగ్ గెలాక్సీ S26 అల్ట్రాపై డీల్స్, ఆఫర్లు, ధరల వివరాలపై ఓసారి లుక్కేయండి.

శాంసంగ్ గెలాక్సీ S26 అల్ట్రా ధర, ఆఫర్లు :
శాంసంగ్ గెలాక్సీ S26 అల్ట్రా 12GB+256GB స్టోరేజ్ వేరియంట్ విజయ్ సేల్స్‌లో రూ.1,39,999 ధరకు లిస్ట్ అయింది. బ్యాంక్ ఆఫర్లలో భాగంగా HDFC లేదా ICICI బ్యాంక్ క్రెడిట్ కార్డులపై ఫ్లాట్ రూ. 9వేలు తగ్గింపు అందిస్తుంది. దాంతో ధర రూ. 1,30,999కు కొనేసుకోవచ్చు. వినియోగదారులు నెలకు రూ. 15,056 నుంచి నో-కాస్ట్ ఈఎంఐ ఆప్షన్లను కూడా పొందవచ్చు.

Read Also : Realme 16 5G : కొత్త ఫోన్ కావాలా? రియల్‌మి 16 5G ఫస్ట్ సేల్ మొదలైందోచ్.. అతి చౌకైన ధరకే ఇలా కొనేసుకోండి..!

శాంసంగ్ గెలాక్సీ S26 అల్ట్రా స్పెసిఫికేషన్లు :
శాంసంగ్ గెలాక్సీ S26 అల్ట్రాలో 3120×1440 పిక్సెల్స్ రిజల్యూషన్, 120Hz రిఫ్రెష్ రేట్‌తో 6.9-అంగుళాల డైనమిక్ అమోల్డ్ 2X డిస్‌ప్లే ఉంది. శాంసంగ్ గెలాక్సీ S26 అల్ట్రా క్వాల్‌కామ్ స్నాప్‌డ్రాగన్ 8 ఎలైట్ జెన్ 5 చిప్‌సెట్‌తో వస్తుంది.

ఈ ఫోన్ ఆండ్రాయిడ్ 16 ఆధారిత వన్ యూఐ 8.5పై రన్ అవుతుంది. కనెక్టివిటీ ఆప్షన్లలో 5G, Wi-Fi 7, బ్లూటూత్ 5.4, NFC, GPS, GLONASS, గెలీలియో, QZSS, BDS వంటి శాటిలైట్ నావిగేషన్ సిస్టమ్‌లు, USB టైప్-సీ సపోర్ట్ ఉన్నాయి. శాంసంగ్ గెలాక్సీ S26 అల్ట్రా 5000mAh బ్యాటరీతో వస్తుంది.

కెమెరా సెటప్ విషయానికి వస్తే.. శాంసంగ్ గెలాక్సీ S26 అల్ట్రా బ్యాక్ సైడ్ ఎఫ్/1.4 అపర్చర్, ఆప్టికల్ ఇమేజ్ స్టెబిలైజేషన్‌తో 200MP వైడ్-యాంగిల్ ప్రైమరీ కెమెరా, ఎఫ్/2.8 అపర్చర్, 5x ఆప్టికల్ జూమ్‌తో 50MP పెరిస్కోప్ టెలిఫోటో కెమెరా, ఎఫ్/1.9 అపర్చర్‌తో 50MP అల్ట్రా-వైడ్-యాంగిల్ కెమెరా, ఎఫ్/2.4 అపర్చర్, 3x ఆప్టికల్ జూమ్‌తో 10MP టెలిఫోటో కెమెరా ఉన్నాయి.

సెల్ఫీల కోసం ఎఫ్/2.2 అపర్చర్‌తో 12MP వైడ్-యాంగిల్ ఫ్రంట్ కెమెరా ఉంది. కొలతల విషయానికి వస్తే.. ఈ ఫోన్ 163.6 మిమీ పొడవు, 78.1 మిమీ వెడల్పు, 7.9 మిమీ మందం, 214 గ్రాముల బరువు ఉంటుంది.