SpaceX ప్రపంచంలోనే అత్యంత ధనవంతుడు,టెస్లా అధినేత ఎలాన్ మస్క్ కు చెందిన స్పేస్ ఎక్స్ ఎక్స్ ప్లోరేషన్ సంస్థకు చెందిన స్పేస్ ఎక్స్ స్టార్ షిప్ SN10 రాకెట్ ను ప్రయోగించిన కొద్ది నిముషాలకే పేలిపోయింది. టెక్సాస్ లోని బోకా చికా నుంచి బుధవరం సాయంత్రం ఈ రాకెట్ ని ప్రయోగించారు. అయితే ప్రయోగించిన నిమిషాల్లోనే గాల్లో ఆరు మైళ్ళ ఎత్తున ఎగసిన ఈ టెస్ట్ రాకెట్ మంటలు మండిస్తు ఒక్కసారిగా లాంచ్ పాడ్ పై (భూమిపై) పడిపోయింది. కాగా ఈ బ్లాస్ట్ కి కారణం తెలియలేదు.
స్పేస్ షిప్ ప్రొటోటైప్ 10 రకం రాకెట్ ను విజయవంతంగా ల్యాండింగ్ చేసినట్టు శాస్త్రవేత్తలు ప్రకటించిన తరువాత ఈ ఘటన చోటు చేసుకోవడం విశేషం. బేస్ లో ఎటాచ్ అయిన లాండింగ్ లెడ్స్ తెరచుకోలేదని… దీంతో రాకెట్ మీథేన్ వాయువును తొక్కిపెట్టి పైప్స్ ని క్రష్ చేసిందని ఇదే ప్రమాదానికి కారణమై ఉండవచ్చునని కొందరు అభిప్రాయపడుతున్నారు.
గతంలో SN 8, 9 ప్రొటోటైప్ రాకెట్లు కూడా ఇదే విధంగా పేలిపోయాయి. గతేడాది డిసెంబర్ లో SN8,ఈ ఏడాది ఫిబ్రవరిలో SN9రాకెట్లు ప్రయోగించిన కొద్దిసేపట్లనే పేలిపోయాయి. అయితే, స్సేస్ ఎక్స్.. ఇప్పటికే ప్రొటోటైప్ 11 ను సిద్ధం చేసినట్టు సమాచారం. అంగారకుడిపైకి మనుషులను పంపాలని లక్ష్యంగా పెట్టుకొని స్పేస్ ఎక్స్ సంస్థ ఈ ప్రయోగాలు చేస్తున్నది. తన స్పేస్ ఎక్స్ రాకెట్ ని ఏదో ఒక రోజున వ్యోమగాములతో చంద్రునిపైకి, అంగారకునిపైకి పంపాలని ఎలన్ మస్క్ యోచిస్తున్నారు. తాజా పరిణామంపై ఆయన స్పందిస్తూ తమ టీమ్ గ్రేట్ వర్క్ చేసిందని, ఏదో ఒకరోజున స్టార్ షిప్ ఫ్లైట్స్ సాధారణమైపోతాయని ఆయన అంటున్నారు. కాగా మళ్ళీ తన ప్రయోగాలను కొనసాగిస్తానని ఆయన పేర్కొంటున్నారు. ఇప్పటికే తన స్పేస్ ఎక్స్ స్టార్ షిప్ నమూనాలను ఆయన హాలీవుడ్ చిత్రాల్లో వినియోగించిన ప్రోటోటైప్ ఇమేజీలతో పోలుస్తున్నారు.
Starship SN10’s post landing demise is unfortunate but still, everyone at SpaceX can chalk todays flight test up as a huge success. Become a patron at the link below for photo downloads, behind the scenes goodies, and more. @NASASpaceflight
➡️ https://t.co/h5jW6oXxkQ pic.twitter.com/H6OjBYCKb5
— Jack Beyer (@thejackbeyer) March 4, 2021
